“Na Ziba Cwale Se Si Fosahezi ku Na!”

KI MWA n’a ikutwezi munna yo muñwi wa kwa Tokyo ha n’a balile za bupilo bwa mutu yo muñwi ze n’e ñozwi mwa The Watchtower ya December 1, 2000. Taba yeo ne i na ni toho ye li “You Do Not Know What Your Life Will Be Tomorrow,” (Ha Mu Zibi Mo Bu Ka Bela Bupilo bwa Mina Kwapili) mi ne i talusa ka za za n’a ipumani ku zona ya n’a banga mulumiwa ili ya kula butuku b’o baalafi ba biza kuli ki manic-depressive psychosis (butuku bwa ku sa iketa mwa munahano).

Munna wa kwa Tokyo y’o n’a ñolezi bahatisi ba magazini ye kuli: “Mo ku taluselizwe ki mona mo ni ikutwelanga luli ni na. Se ni ya kwa sipatela sa bakuli ba za mwa munahano ni ku yo fumana kuli ni kula manic depression. Dokota ya n’a ni tatubile n’a komokile. A li, ‘Batu ba ba kula butuku b’o ki ka siwela ba zibanga kuli ki bakuli.’ Ne ni tusizwe ku ziba butuku b’o pili bu si ka tiba.”

Batu ba bañata-ñata mwa lifasi ba tuseha ka linzila ze shutana-shutana ka ku bala Tora ya ku Libelela ye ñwi ni ye ñwi ni magazini ye tahelelanga ni yona, ili Awake! Ba fumana litaba ze mwa lihatiso zeo ku ba ze tusa ni ku kolwisa. Magazini ya Tora ya ku Libelela cwale i hatiswa mwa lipuo z’e 141, mi Awake! i hatiswa mwa lipuo z’e 86. Ni mina mu ka ikola ku bala kamita Tora ya ku Libelela ni Awake!