Kana Mwa Hupula?

Kana mu ikozi ku bala limagazini za cwanoñu fa za Tora ya ku Libelela? Mu bone haiba mwa kona ku alaba lipuzo ze latelela:

• Kuta ye Tuna ya Germany ne i file katulo mañi ye nde ye ama bulapeli?

Kuta yeo ne i zwisize katulo ye maswe ye n’e filwe ki kuta ye ñwi ka za Lipaki za Jehova ni tumelezo ya bona ya ka mulao. Katulo ye nde yeo ne i bonisize kuli ka ku lumelelana ni tukuluho ya bulapeli, mutu a kana a ‘kuteka likuka za tumelo’ ku fita ze u bata Muuso.—8/15, likepe 8.

• Jobo n’a nyandile ka nako ye kuma kai?

Buka ya Jobo ha i bonisi kuli n’a nyandile ka lilimo ze ñata. Manyando a Jobo ni tatululo ya ona mwendi ne li ezahalezi mwa likweli ze sikai, mwendi ze sa kwani silimo.—8/15, likepe 31.

• Lu kona ku kolwelañi kuli Diabulosi haki tumelo fela ye si na mutomo hande?

Jesu Kreste n’a ziba kuli Diabulosi u teñi. Jesu n’a likilwe ki mutu luli, hasi bumaswe fela bo ne bu li ku yena. (Mateu 4:1-11; Joani 8:44; 14:30)—9/1, makepe 5-6.

• Liproverbia 10:15 i li: “Mapilelo a ya fumile, ki bufumu bwa hae; kono bumai bwa yo museta, ki bubotana bwa hae.” Seo ki sa niti cwañi?

Bufumu bu kona ku sileleza kwa lika ze ñwi ze sa swalehi mwa bupilo, sina muleneñi o tiisizwe mo u kona ku fela sipimo se siñwi sa buiketo ku ba ba pila ku ona. Kwa neku le liñwi, bubotana bu kona ku sinya ha ku ba ni miinelo ye si ka libelelwa.—9/15, likepe 24.

• Batu ne ba kalisize ka nzila ifi ku “lapela Libizo la [Muñ’a] Bupilo” mwa miteñi ya Enoshi? (Genese 4:26)

Libizo la Mulimu ne se li itusisizwe ku zwa kwa makalelo a batu; kacwalo, ne si ku lapela libizo la Jehova ka tumelo ko ne ku kalisizwe mwa miteñi ya Enoshi. Mwendi batu ka nyefulo ne ba itusisa libizo la Jehova ku bona tenyene kamba kwa batu ba bañwi bao ka bona ne ba ipumisa ku atumela Mulimu mwa bulapeli.—9/15, likepe 29.

• Ka mo li itusiselizwe mwa Bibele, linzwi la “kalimelo” li talusañi?

Linzwi leo ha li talusi ku nyandisa kufi kamba kufi kamba situhu. (Liproverbia 4:13; 22:15) Linzwi la Sigerike le li talusa “kalimelo” sihulu li talusa taelo, tuto, hakululo, mi fokuñwi li talusa ku fa koto ye tiile kono ili ye lilato. Nzila ya butokwa ka ku fitisisa yeo bashemi ba kona ku likanyisa ka yona Jehova ki ka ku zwisezapili ku ambolisana ni bana ba bona. (Maheberu 12:7-10)—10/1, makepe 8, 10.

• Bakreste ba niti kacenu ba bonisa cwañi kuli ba yemela puso ya Mulimu?

Mwa ku yemela Mubuso wa Mulimu, Lipaki za Jehova ha ba zwaki mwateñi litaba za bupolitiki kamba ku hulisa petuhelo, nihaiba mwa linaha m’o Lipaki ba kwalezwi. (Tite 3:1) Ba fa tuso ya butokwa inge ya n’a file Jesu ni balutiwa ba hae ba kwa makalelo, ka ku tusa batu kuli ba sebelise likuka ze nde za mwa Bibele, ze cwale ka busepahali, muzamao o munde, ni musebelezo o munde.—10/15, likepe 6.

• Mezi a’ pilisa a bubela cwañi mwa Andes?

Lipaki za Jehova teñi k’o ba ikataza hahulu ku iseza batu niti ya Bibele, niheba mwa lipuo ze peli za kwateñi k’o, za Quechua ni Aymara. Lipaki ba potelanga batu ba ba pila fa lioli za Lisa la Titicaca, ili ze kopanyeleza ni lioli ze “kukana” ze pangilwe ka mataka a’ melile mwa lisa leo.—10/15, makepe 8-10.

• Mulimu u lu file nto mañi ye swana sina kompyuta ya mwa lifulai kacenu kuli i lu etelele?

Mulimu u file batu ketelelo ya muzamao, ili m’ata a mwahali. Leo ki lizwalo le lu hozize. (Maroma 2:14, 15)—11/1, makepe 3-4.

• Ki kabakalañi lifu la Jesu ha li li la butokwa hahulu?

Mutu ya petehile Adama ha n’a ezize sibi, n’a latehezwi ki bupilo bwa hae ni bwa bana ba hae. (Maroma 5:12) Jesu ka ku ba mutu ya petehile, n’a fanile bupilo bwa hae sina sitabelo, mi a fa tiululo ye konisa batu ba ba sepahala ku fumana bupilo bo bu sa feli.—11/15, makepe 5-6.

• Ma-kwa-Sitia ba ba bulezwi kwa Makolose 3:11 ne li bomañi?

Ma-kwa-Sitia ne li sicaba sa bonyambaeti sa mwa libala la Eurasia, se ne si busize ku kala ka 700 ku isa 300 B.C.E. Ne li bapahami ba lipizi ni batuli ba ba sabisa. Mwendi Makolose 3:11 ne i sa talusi sicaba tota, kono batu ba ba situhu ku feleleza.—11/15, makepe 24-5.

• Lu kona ku bulelelañi kuli Sikuka Se Situna ki tuto ye lu swanela ku no nyakisisanga?

Bulapeli bwa Sijuda, Sibuddha, lituto za Sigerike za mihupulo ya batu, ni balateleli ba Confucius ba tolongoshize sikuka seo sa za muzamao. Nihakulicwalo, za n’a bulezi Jesu mwa Ngambolo ya fa Lilundu li tokwa mihato ye minde, mi li ama batu kakai ni kakai mwa masika kaufela. (Mateu 7:12)—12/1, likepe 3.