Kana Mwa Kona ku Bona mwa Munahano Ze Mu Bala?

KULI mu bone likezahalo mwa munahano, mu kona ku tusiwa ki ku tekelela libaka ze mu bala. Ka mutala, lu nge misipili ya bulumiwa ya muapositola Paulusi, ye bulezwi mwa buka ya Bibele ya Likezo. Mwa musipili wa hae wa pili wa bulumiwa, n’a kalile ku ya kwa Antioke, k’o balateleli ba Jesu ne ba bizizwe lwa pili kuli ki Bakreste. Ku zwa f’o, n’a ile kwa libaka ze cwale ka Salamisi, Antioke wa mwa Pisidia, Ikone, Listra, ni Derba. Kana mwa kona ku bona mwa munahano ko ne li inzi libaka zeo?

Mwendi kutokwa, konji ha ne mu ka ba ni mapa. Mwa broshuwa ye nca ye na ni makepe a 36, ya “Bona Naha ye Nde,” mapa ye cwalo ya fumaneha. Mubali yo muñwi wa kwa Montana, mwa U.S.A., u bulela ka buitumelo kuli: “Na kona ku iponela misipili ya Paulusi ni ku lika ku nahana mwa n’a zamaelanga ni musebezi wa ku hasanya taba ye nde o ne u ezizwe ki yena ni Bakreste ba bañwi ba kwa makalelo. Ni itumela kwa buka ya limapa ye nde luli ye.”

Mapa ya misipili ya Paulusi ki ye ñwi fela ya limapa ze ñata ze fumaneha mwa broshuwa mo, mi i ka tusa mubali ku bona mwa munahano ze bulezwi mwa Bibele. Mwa kona ku ikupela kopi ya mina ya “Bona Naha ye Nde” ka ku taleleza pampili ye fa likepe fa ni ku i lumela kwa keyala ye bonisizwe, kamba kwa keyala ye swanela ye bonisizwe fa likepe 2 la magazini ye.

□ Ka ku itatela, ni kupa broshuwa ya “Bona Naha ye Nde.” Mu bonise puo ye mu bata.

□ Ni kupa kuli mu ni zibise ka za tuto ya Bibele ye sa lifelwi ya fa ndu.

[Manzwi a bañi ba siswaniso fa likepe 32]

Pictorial Archive (Near Eastern History) Est.