Kana Mwa Hupula?

Kana mu ikozi ku bala limagazini za cwanoñu fa za Tawala ya Mulibeleli? Ha mu bone nji mwa kona ku alaba lipuzo ze tatama:

• Ki kabakalañi ku nwa ka ku sa itikanelela ha ku kona ku tahiseza mutu kozi niha sa kolwi?

Bibele i lu lemusa ka ku utwahala hande ka za likozi ze kona ku sinya bulikani bwa luna ni Mulimu haiba lu nwa ka ku sa itikanelela. (Liprov. 23:20; Isa. 5:11, 12) Jesu naa bonisize kuli haiba lu nwa hahulu bucwala lu ka palelwa ku lemuha kuli lu pila mwa linako ze taata. (Luka 21:34, 35)—7/1, makepe 5-6.

• Kana liñolo la Liproverbia 6:30 li bonisa kuli ku uzwa ha ku si ka fosahala?

Batili. Liñolo le, li bonisa kuli Mulimu u sa nga mutu ya uzwa kuli ki lisholi mi mutu yo u ka ikalabela kabakala mulatu wa hae. Nihaike kuli busholi bwa mutu ya uzwa bakeñisa tala mwendi ha bu swani ni bwa mutu ya uzwa ka libaka la mukwañuli kamba ya na ni mulelo wa ku holofaza mutu ya uzweza, lisholi ya uzwa bakeñisa tala u swanela ku “lifa” mulatu. Batu ba ba bata ku shemubiwa ki Mulimu ha ba lukeli ku uzwa mwa miinelo ifi kamba ifi. (Liprov. 6:31)—7/1, likepe 13.

• Zibo ya ku ziba kuli Jehova “u talima pilu” i swanela ku lu ama cwañi? (1 Sam. 16:7)

Ku ziba kuli Jehova u talima pilu—yena mutu wa mwahali ili ko ku simuluha mihupulo ya mutu, mubonelo wa hae, ni maikuto a hae—ku swanela ku lu susueza ku ba ni tulemeno to tu ka lu bisa batu ba bande mwa meeto a hae.—7/1, likepe 17.

• Me wa Mujuda ya naa latelelanga litaelo za Mulimu naa itusisanga hande cwañi nako ya naa inanga ni bana ba hae?

Me ya naa latelela litaelo za Mulimu naa itusisanga kolo ye cwale ka ya ku ya ni ku zwa kwa musika kwa ku tusa bana ba hae ku ituta ni ku itebuha likuka za mwa Mañolo. (Deut. 6:6, 7) Hape naa kona ku ambola ni bana ba hae ba basizana ka za likuka ze ne kona ku ba tusa ku ziba mwa ku itusiseza hande mali ha ba leka lika. (Liprov. 31:14, 18)—7/1, likepe 19.

• Kana bafu ba kona ku tusa batu ba ba pila?

Bibele i talusa ka ku utwahala hande kuli bafu ha ba koni ku tusa batu ba ba pila kakuli “ha ba na se ba ziba.” Kaniti, ha ba na se ba ziba mi ha ba koni ku tusa mutu ufi kamba ufi. (Muek. 9:5, 6, 10)—7/1, likepe 21.

• Ki lifi likuka ze ñwi za mwa Bibele ze kona ku tusa batu ba ba nyalani ku pilisana hande ni makwenyanaa bona?

Bibele i bulela kuli muuna ya nyezi “u ka tokolomoha ndatahe ni mahe mi u ka kumalela musalaa hae; mi ba ka ba nama i liñwi feela.” (Gen. 2:24) “Muuna ki toho ya musali”—ili ku talusa muunaa hae. (1 Makor. 11:3)—7/1, makepe 27-28.

• Bibele i fa temuso ifi kwa limbelwa ni baana ba ba siyamezwi ka za ku ikauhanya ku ba bañwi?

Nihaike kuli ha ku si ka fosahala kuli mutu a bate ku ina a nosi ka nako ye ñwi, liñolo la Liproverbia 18:1 li lu lemusa kuli: “Mutu ya sa lati siango ni ba bañwi, u bata zaa lakaza yena a nosi.” Kono limbelwa ni baana ba ba siyamezwi ba swanela ku kupa tuso kwa banabahabo bona ni kwa balikani ba bona ba ba ba utwela butuku. Puteho ya Sikreste ya kona ku mi tusa hahulu mwa taba ye. (Isa. 32:1, 2)—7/1, makepe 29-30.