Ku Ba Banca

Se lu Ituta Kwa Sishemo sa Mulimu

JONASI—KALULO 2

Litaelo: Mu ezeze lika ze latelela ze, mwa sibaka se si kuzize. Ha mu nze mu bala mañolo, mu eze inge kuli ni mina mu sweli mwa abana mwa kezahalo yeo. Mu eze inge mwa bona ze ezahala. Mu utwe manzwi a bulelwa. Mu ikutwe mo ba ikutwela batu ba ba mwa taba yeo. Mu ikutwe kuli ze mu bala li sweli za ezahala luli.

1 MU NYAKISISE ZE EZAHALA.—MU BALE JONASI 3:1–4:11.

Mu nga kuli Jonasi na ikutwile cwañi ha na kena mwa munzi wa Ninive?

Ha mu hupula mo li utwahalela linzwi la Jonasi, ki maikuto mañi a na ni ona ha na shaela katulo ya Jehova?

Ki ku sa lukuluha ko ku cwañi mwendi kwa na ikutwile Jonasi ha na inzi kwande a munzi? (Mu bone Jonasi 4:5-8.)

2 MU BATISISE KA BUTUNGI.

Ki kabakalañi Jonasi ha na bata kuli Jehova a sinye Ninive ku likana ni mwa na polofitezi?

Ka ku itusisa liitusiso ze mu na ni za ku ezisa patisiso, mu batisise ka za (1) mo li bonahalela libonobono, ni (2) libaka mulena wa Ninive ha na apezi saka ni ku ina mwa mufuse.

 Ki kabakalañi Jonasi ha konwa ku bizwa kuli ki mupolofita ya sepahala ni ya bundume hailifo kwa makalelo na hanile ku yo polofita mwa Ninive? (Mateu 21:28-31)

3 MU SEBELISE ZE MU ITUTILE. MU ÑOLE LIKA ZE MU ITUTILE KA ZA . . .

Kuli batu ba kona ku tuhela mupilelo o maswe.

Sishemo sa Jehova.

Libaka ha lu tokwa ku ba ni sishemo.

4 KI KALULO MAÑI YA TABA YE, YE MI TUSIZE HAHULU, MI KI KABAKALAÑI?

HAIBA HA MU NABIBELE, MU KALIME