LIKALABO KWA LIPUZO ZA BIBELE

Ki kabakalañi batu ha ba sa koni ku tisa kozo mwa lifasi?

Bibele i fa mabaka a mabeli a tahisa kuli batu ba palelwe ku tisa kozo mwa lifasi. Libaka la pili ki la kuli, nihaike kuli ba petile lika ze nde hahulu, batu ha ba si ka bupiwa ni buikoneli bwa ku izamaisa ili bona. Libaka la bubeli ki la kuli, batu ba palezwi ku kondisa lika bakeñisa kuli “lifasi kamukana li mwa maata a ya maswe,” yena Satani Diabulosi. Kamukwaocwalo, batu ba palezwi ku tisa kozo mwa lifasi.—Mu bale Jeremia 10:23; 1 Joani 5:19.

Hape mwa lifasi ha ku na kozo bakeñisa kuli batu ba na ni buitati mi ba tabela hahulu ku ba ni libubo. Mubuso o luta batu ku lata ze lukile ni ku iseza ba bañwi pilu, ki ona feela o kona ku tisa kozo mwa lifasi.—Mu bale Isaya 32:17; 48:18, 22.

Ki mañi ya ka tisa kozo mwa lifasi?

Mulimu ya Maata Ote u sepisize kuli u ka tahisa mubuso u li muñwi o ka busa lifasi kaufela. Mubuso wo u ka yola mibuso ya batu. (Daniele 2:44) Jesu yena Mwanaa Mulimu, u ka ba Mulena wa Kozo. U ka felisa bumaswe kaufela mwa lifasi mi u ka luta batu ku pila ka kozo.—Mu bale Isaya 9:6, 7; 11:4, 9.

Nihaiba ka nako ye, batu ba bañata-ñata mwa lifasi kaufela ba sweli ku lutiwa mwa ku pilela ka kozo ku zwelela mwa Linzwi la Mulimu yona Bibele, mi musebezi wo u etelelwa ki Jesu. Hona cwale-cwale fa, mwa lifasi kaufela ku ka ba ni kozo.—Mu bale Isaya 2:3, 4; 54:13.

Kuli mu bale litaba ze ñata, mu bone kauhanyo 3 ya buka ye, Bibele i Lutañi Luli?, ye hatisizwe ki Lipaki za Jehova

[Siswaniso se si fa likepe 16]

Mubuso o cinca lipilu za batu, ki ona feela o kona ku tisa kozo mwa lifasi

[Manzwi a bañi ba siswaniso]

Fatmir Boshnjaku