Busihu bo ne bu latelezwi ki lizazi la naa shwile, Jesu naa laezi balutiwa ba hae ku hupulanga sitabelo sa naa tuha a fa. Naa ba bulelezi kuli: “Mu ezange cwalo kuli mu ni hupule.”—Luka 22:19.

Silimo se, Kupuzo ya lifu la Jesu, i ka ba teñi la Butanu, April 3, lizazi ha se li likezi. Lipaki za Jehova ba mi mema ni lubasi lwa mina kuli mu yo fumaneha kwa mukiti wo ni ku yo teeleza kwa ngambolo ye ka talusa libaka lifu la Jesu ha li li la butokwa hahulu ni mo li kona ku mi tuseza.