Batu mwa lifasi kaufela baikutwanga buinosi mi baikutwanga inge kuli habakoni kuswalisana ni batu babañwi. Licaziba babañwi babatalima za bualafi balumela kuli kutusa babañwi kwakona kutusa mutu kusaikutwa hahulu buinosi.

•   “Kutusa batu babatokwa tuso kwakona kulutusa kuba ni tabo mwa bupilo ni kulutusa kusaikutwa hahulu buinosi kamba kuba ni maikuto a kusalata kuswalisana ni babañwi.”—Ka kuya ka U.S. National Institutes of Health.

 Bibele ifa likelezo zende zebonisa molukona kutuseza babañwi. Kusebelisa zeibulela kwakona kulutusa kutiyela butata bwa kuikutwa buinosi.

 Mube ni bufani. Mutandange nako ni batu babañwi, sihulu pata ka pata. Muitatele kuikabela zemunani zona ni babañwi. Haiba mueza cwalo, batu bao bakona kuitumela hahulu ili nto yekona kutahisa kuli mube balikani.

•   Sikuka sa mwa Bibele: “Muzwelepili kufana, mi batu ni bona baka mifa.”—Luka 6:38.

 Muitusise maata amina kwa kutusa babañwi. Mubate linzila zemukona kutusa ka zona batu babakopana ni miinelo yetaata. Kueza cwalo kukona kukopanyeleza kubateeleza ka tokomelo hababulela kamba kubaezeza nto yeñwi.

•   Sikuka sa mwa Bibele: “Mulikani watusanga mwa miinelo kaufela.”—Liproverbia 17:17 17:17, Bibele ya Contemporary English Version.

 Kuli muzibe litaba zeñata ka za momukona kubela ni silikani sesinde ni babañwi, mubale taba yeli, “Kuikola Bupilo Mwa Lubasi ni Kuba ni Balikani Babande.”