Ñimbo ya Mitōto 37:1-40
Lwimbo lwa Davida.
א [Aleph]
37 Kokafītwa* pa mwanda wa bantu babiNansha kwabila banonga-bibi.+
2 Bakafumba bukidibukidi pamo bwa biyombo+Ne kūma pamo bwa biyombo bibishi.
ב [Beth]
3 Kulupila mudi Yehova ne kulonga biyampe;+Ikala mu ntanda’ya, kadi longa bintu na kikōkeji.+
4 Loelelwa bininge* mudi Yehova,Nandi ukakupa bisakasaka mutyima obe.
ג [Gimel]
5 Pāna dishinda dyobe kudi* Yehova;+Mukulupile, nandi ukakulongela bintu.+
6 Ukalengeja boloke bobe bweñenye pamo bwa kibangabanga,Ne bululame bobe pamo bwa dyuba mu mitwe.
ד [Daleth]
7 Ikala talala ku meso a Yehova+Kadi mukungile na nsangaji.*
Kokifītyijibwa mutyima na muntuUfikidija nkuku yandi.+
ה [He]
8 Leka bulobo ne bukalabale;+Kokifītwa mutyima ne kwalamuka kolonga bibi.*
9 Mwanda bantu babi bakatalulwa’ko,+Ino boba bakulupile mudi Yehova bakapyananga ntanda.+
ו [Waw]
10 Kubashala kakitatyi katyetye’tu, babi kebakekala’kopo monka;+Ukatala pobādi,Kebakekala’popo.+
11 Ino betyepeje bakapyananga ntanda,+Kadi bakaloelelwanga bininge mu bungibungi bwa ndoe.+
ז [Zayin]
12 Muntu mubi ukutyilanga moloke kitumba;+Umushenkenyenya meno.
13 Ino Yehova ukamusepa,Mwanda uyukile amba difuku dyandi dikāyanga.+
ח [Heth]
14 Babi abasomona bipete byabo ne kukana* mata abo a miketoMwanda wa kutūkija kimonya-malwa ne mulanda,Mwanda wa kutapa boba ba dishinda dyoloke swā.
15 Ino kipete kyabo kikasaba mutyima wabo abo bene;+Mata abo a miketo nao akatyumunwa.
ט [Teth]
16 Bintu bityetye bya moloke i biyampeKupita bintu bingi bya bantu babi bangi.+
17 Mwanda maboko a babi akatyumunwa,Ino Yehova ukakwasha boba boloke.
י [Yod]
18 Yehova uyukile senene momwa mupita bantu bampikwa kutopekwa,*Kadi bupyani bwabo bukalādila nyeke.+
19 Kebakafwijibwapo bumvu mu kitatyi kya kimpengele;Mu kitatyi kya kipupo kya nzala bakekala na bivule.
כ [Kaph]
20 Ino babi bakonakanibwa;+Balwana na Yehova bakajimina pamo bwa madyo matumbe;Bakajimina pamo bwa mwishi.
ל [Lamed]
21 Mubi wapulanga kwaluja mpika,Ino moloke aye i wa buntu* kadi upānanga.+
22 Boba baesela bakapyananga ntanda,Ino boba bafinga bakatalulwa’ko.+
מ [Mem]
23 Yehova uludikanga* matabula a muntu+Shi wasangela dishinda dyandi.+
24 Nansha shi wapone, kakelwapo panshi,+Mwanda Yehova umukwashanga na kuboko.*+
נ [Nun]
25 Nadi mwanuke pano natama,Ino nkyamwene moloke mwelwe,+Nansha bandi bana bakimba byakudya.+
26 Aye wapujanga nyeke bitupu,+Kadi bandi bana batengele madyese.
ס [Samekh]
27 Vundamina bibi ino longa biyampe,+Nabya ukekalanga’ko nyeke.
28 Mwanda Yehova usenswe boloke,Kadi kakelapo bantu bandi ba lulamato.+
ע [Ayin]
Bakalamibwa nyeke;+Ino lutundu lwa babi alo lukatalulwa’ko.+
29 Boloke bakapyananga ntanda,+Kadi bakekalanga’po nyeke.+
פ [Pe]
30 Kyakanwa kya moloke kipānanga tunangu,*Kadi ludimi lwandi lwisambanga myanda ya boloke.+
31 Bijila bya Leza wandi bidi mu mutyima wandi;+Matabula andi keakashetemukapo.+
צ [Tsade]
32 Mubi utalanga moloke,Ukimba kumwipaya.
33 Ino Yehova kakamulekapo mu dikasa dya yao muntu+Nansha kumuponeja kitatyi kyobamutyibila mambo.+
ק [Qoph]
34 Kulupila mudi Yehova ne kulonda dishinda dyandi,Nandi ukakuzunzula ukapyane ntanda.
Pakatalulwa’ko babi,+ nobe ukemwenanga.+
ר [Resh]
35 Namone muntu mubi wampikwa kafukuWandabila pamo bwa mutyi muvwambile pa nshi yao.+
36 Ino wapite mu kitulumukila ne kwāya jimejime;+Namukimbekimbe, ino kumusokola mpika.+
ש [Shin]
37 Tala muntu wampikwa kutopekwa,*Kadi bandila+ muntu moloke swā,Mwanda būmi bwa kumeso bwa yao muntu bukekala bwa ndoe.+
38 Ino bonso bajilula bakonakanibwa;Babi bakatyibwa’ko.+
ת [Taw]
39 Lupandilo lwa boloke lutambanga kudi Yehova;+Aye i nsakwa yabo mikomo mu kitatyi kya tusua.+
40 Yehova ukebakwasha ne kwibakūla.+
Ukebakūla ku babi ne kwibapandija,Mwanda banyemenanga mwadi.+
Kunshi kwa Dyani
^ Nansha’mba “Kokajingwa mutyima.”
^ Nansha’mba “Tana nsangaji yobe mikatampe.”
^ Kishima pa kishima i, “Kunkulumwina dishinda dyobe padi.”
^ Nansha’mba “na kitūkijetyima.”
^ Bibwanika padi i, “Kokafītwa mutyima, mwanda bibwanya’tu kutwala kubi.”
^ Nansha’mba “kukaza.”
^ Kishima pa kishima i, “mafuku a bampikwa kutopekwa.”
^ Nansha’mba “kutōkelwa mutyima.”
^ Nansha’mba “ukomejanga.”
^ Nansha’mba “na kuboko Kwandi.”
^ Nansha’mba “kīsambanga tunangu na diwi ditūke.”
^ Nansha’mba “yewa ulama bululame.”
