Ñimbo ya Mitōto 55:1-23
Kudi mukulu wa bañomba; lwa kwimba pamo na byombanwa bya myonji. Mashikile.* Lwimbo lwa Davida.
55 A Leza, ivwana milombelo yami,+Kadi kokasūla milombelo yami yonomba lusa.*+
2 Tá mutyima kondi unondolole.+
Milangwe yami ibambudija kukōkolokwa,+Kadi mutyima i mumvutakane
3 Pa mwanda wa binena walwanaNe masusu atamba kudi mubi.
Mwanda abanundikila makambakano,Kadi abantamijija mushikwa na bulobo.+
4 Mutyima wami ubamone malwa munda mwami,+Kadi luzakalo lwa lufu lubandēmenena.+
5 Moyo ne luzakalo bibamfikila,Ne kutetema kubankwata.
6 Nenanga’nka kunena’mba: “Yō, shi nadi na mapapa pamo bwa nkunda!
Nadi wa kutumbuka nakekala na mutyima-ntenke.
7 Tala! Nadi wa kunyemena kulampe.+
Nadi wa kukekala mu ntanda mutuputupu.+ (Sela)
8 Nadi wa kunyemena ku kifuko kwa kufyamaKulampe na kivula kipukuma, kulampe na kimpumpu.”
9 A Yehova, wibavutakanye, kadi kankaja mpango yabo,*+Mwanda namone lūma ne bulwi mu kibundi.
10 Dyuba ne bufuku byendakananga pa mumbu yakyo;Umbukata mwakyo mudi mutyima wa nshikani ne makambakano.+
11 Masala adi umbukata mwakyo;Kasusu ne bongojani kebyatalukile nansha dimo mu bīkwe byakyo.+
12 Mwanda ke walwanapo wankolomona;+Longa nadi wa kutyumwina’byo mu manwi.
Ke unshikilwepo wantombokela;Longa nadi wa kumufyama.
13 Ino i abe, muntu pamo bwa ami,*+Mulunda nami ondyukile biyampe.+
14 Twadi tusangela pamo bulunda buloe;Mu njibo ya Leza twadi twendanga pamo na kibumbo.
15 Nanshi bonakani bwibapete!+
Batūkile bōmi mu Kibundu;*Mwanda kibi kidi umbukata mwabo ne munda mwabo.
16 Ino amiwa, nketanga Leza,Kadi Yehova ukampandijanga.+
17 Kyolwa ne lubanga ne dyuba mu mitwe, nkambakanibwanga ne kubinza,*+Kadi nandi wivwananga diwi dyami.+
18 Ukankūlanga* ne kumpa* ndoe ku boba balwa nami,Mwanda bibumbo bibaiya kuntamba.+
19 Leza ukevwananga ne kwibalondolola,+Yewa ushikete pa lupona tamba kala.+ (Sela)
Abo bakapela kushinta,Boba kebatyinangapo Leza.+
20 Aye* wakatambile boba badi nandi mu ndoe;+Wajilwile kipwano kyandi.+
21 Binenwa byandi bitobala kutabuka buleba,+Ino bulwi budi mu mutyima wandi.
Binenwa byandi i biyampe kutabuka māni,Ino i bipete bisomone.+
22 Ela kiselwa kyobe kilēma padi Yehova,+Nandi ukakukwasha.+
Kakalekapo nansha dimo moloke apone.*+
23 Ino abewa, a Leza, ukebatūkijija mu kīna kilampe kutabuka.+
Boba badi na mambo a mashi ne bantu ba bongojani kebakekalapo bōmi nansha kipindi kya mafuku abo.+
Ino amiwa, nkakulupilanga mudi abe.
Kunshi kwa Dyani
^ Tala Nshintulwilo ya Bishima.
^ Nansha’mba “Kadi kokafyama kitatyi kyonomba bukwashi.”
^ Kishima pa kishima i, “abanya ludimi lwabo.”
^ Nansha’mba “muntu, ondi nandi pamo.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Nansha’mba “kusunkanibwa.”
^ Kishima pa kishima i, “Ukanyongololanga.”
^ Nansha’mba “kupa muya wami.”
^ Ko kunena’mba, mulunda wa kala utelelwe mu vese 13 ne 14.
^ Nansha’mba “alunduke, atelentente.”
