Yoano Umbajinji 3:1-24
3 Talai mwikadile buswe bwitusenswe Tata,+ amba twitwe bu bana ba Leza!+ Ne bine ye motwikadile. O mwanda ino ntanda keituyukilepo,+ mwanda keyamuyukile.+
2 A baswedibwe, pano twi bana ba Leza,+ ino kebetusokwedile mwine motukekadila.+ Tuyukile amba kitatyi kyakasokolwa tukekalanga pamo bwa aye, mwanda tukamumonanga mwine mwaikadile.
3 Kadi muntu ense udi na luno lukulupilo mudi aye witōkejanga,+ monka mwaikadile aye utōka.
4 Muntu ense ulongalonga bubi ujilulanga ne bijila, kadi bubi i kujilula bijila.
5 Kadi muyukile amba, aye wasokwelwe mwanda wa kutalula bubi bwetu,+ kadi mudi aye kemudipo bubi nansha bumo.
6 Muntu ense udi nyeke mu bumo nandi kalongaloñangapo bubi;+ i kutupu muntu ulongalonga bubi ke mumumone nansha kumuyuka.
7 Twanwe twana tutyetye, muntu kakemongola; yewa ulongalonga boloke i moloke, monka mwaikadile aye nandi moloke.
8 Yewa ulongalonga bubi utambile kwa Dyabola, mwanda Dyabola uloñanga bubi tamba ku ngalwilo.*+ O mwanda mwine Mwanā Leza wasokwelwe patōka mwanda wa kutyumuna* mingilo ya Dyabola.+
9 Muntu ense ubutwilwe na Leza kalongaloñangapo bubi,+ mwanda lukunwa* Lwandi ludi nyeke munda mwa yao muntu, kadi kakokejapo kulongalonga bubi, mwanda i mubutulwe na Leza.+
10 Bana ba Leza ne bana ba Dyabola bayukenanga pa uno mwanda: Yewa ense kalongalongapo boloke katambilepo kwa Leza, ne yewa kasenswepo mwanabo mwine.+
11 Uno’u o mwanda omwaivwene tamba ku ngalwilo, amba twisanswei batwe bene na bene;+
12 ke pamopo bwa Kaini, wātambile kwa yewa mubi ne kwipaya mwanabo.+ Le wāmwipaīle bika? Mwanda mingilo yandi yādi mibi,+ ino ya mwanabo myoloke.+
13 Banwe banabetu, kemwakitulumukai shi ino ntanda imushikilwe.+
14 Batwe tuyukile amba twatambile ku lufu twatundulukila ku būmi,+ mwanda tusenswe banabetu.+ Yewa kasenswepo ukidi nyeke mu lufu.+
15 Muntu ense ushikilwe mwanabo i ntapañani,*+ kadi muyukile amba i kutupu ntapañani udi na būmi bwa nyeke munda mwandi.+
16 Pano e potwayukila buswe, mwanda aye wapēne būmi bwandi* pa mwanda wetu,+ ne batwe netu tufwaninwe kupāna būmi bwetu* pa mwanda wa banabetu.+
17 Ino yewa ense udi na bintu bya mu ino ntanda, umona mwanabo mufudilwe, ino wapela kumwivwanina lusa, le buswe bwa Leza budi nyeke mwadi namani?+
18 Twanwe twana tutyetye, ketufwaninwepo kusanswa na binenwa ne ludimi bitupu,+ ino tusanswei na bilongwa+ ne bubine.+
19 Pano ye potukayukila’mba twi batambe ku bubine, kadi tukakulupija* mityima yetu ku meso andi
20 mu mwanda onso mwitutopeka mityima yetu, mwanda Leza i mukatampe kupita mityima yetu kadi uyukile bintu byonso.+
21 Banwe baswedibwe, shi mityima yetu keitutopekangapo, nabya tukanena pampikwa kafinda ku meso a Leza;+
22 kadi kyonso kyotulomba, shi kika shi kika, tutambulanga’kyo kwadi,+ mwanda tulamine mbila yandi kadi tuloñanga byobya bisangaja ku meso andi.
23 I bine, ino yo mbila yandi: amba twikale na lwitabijo mu dijina dya wandi Mwana Yesu Kidishitu+ ne kwisanswa batwe bene na bene,+ monka mwaetupedile mbila.
24 Ne kadi, yewa ulama mbila yandi udi nyeke mu bumo nandi, aye nandi mu bumo na yao muntu.+ Kadi na mushipiditu waetupele, tuyukile amba aye udi nyeke mu bumo netu.+
Kunshi kwa Dyani
^ Nansha’mba “konakanya.”
^ Nansha’mba “tamba kitatyi kyawashilwile.”
^ Ko kunena’mba, lukunwa lubwanya kwivudija, nansha kupa bipa.
^ Nansha’mba “yewa wipaya muntu.”
^ Nansha’mba “muya wandi.”
^ Nansha’mba “myuya yetu.”
^ Nansha’mba “tukanekenya.”
