Isaya 46:1-13
46 Bele wafukata,+ Nebo wetonte.
Bilezaleza byabo bibatwikwa banyema, banyema baselanga biselwa,+Pamo bwa kivwe kitwikilwe banyema bakōke.
2 Abetonte ne kufukata pamo;Kebabwanyapo kupandija biselwa,*Kadi ne abo bene* bendanga mu bu misungi.
3 “Ntejei, a njibo ya Yakoba, ne banwe bonso bashele’ko ba njibo ya Isalela,+Banwe bonakwasha tamba kubutulwa ne kwimusela tamba mukidi munda.+
4 Enka ne byomununupa, nkekala muswelo umo;+Nkemusela’nka kwimusela kufika ne byomwikala na mvwi.
Monka monalongela, nkemupaika ne kwimusela ne kwimukūla.+
5 Lelo mukañenzankanya ne kungikadija pamo ne kundigakanya na ani,+Amba twiifwane nandi?+
6 Kudi bantu balupula olo mu tufuko twabo;Bapima ndalama pa kipimo kya bulēmi.
Bafuta mwingidi ufula byuma, weilonga ke leza.+
Kupwa kebevukwila, bine, kebamutōta.*+
7 Betwika’ye pa mapuji;+Bamusela bakamutūla pa kifuko kyandi, kaimene kwine’kwa.
Kabwanyapo kutaluka ku kifuko kyandi.+
Bamwabijanga, ino kulondolola’ye mpika;Kabwanyapo kukūla muntu nansha umo mu tusua.+
8 Vulukai kino, kadi kankamanai.
Lamai’kyo ku mutyima, banwe ba kujilula.
9 Vulukai bintu bya kala* bya tamba kala,Amba ami ne Leza, kekudipo mukwabo.
Ami ne Leza, kekudipo nansha umo udi bwa ami.+
10 Tamba ku ngalwilo, ndayanga bintu bikafika,Ne tamba kala, bintu kebyalongekele.+
Nenanga’mba, ‘Butyibi* bwami bukafikidila,+Kadi nkalonga kyonso kyonsaka.’+
11 Ngitanga kyoni kipoya kutambanga dyuba,*+Ku ntanda ya kulampe nako muntu wa kufikidija butyibi bwami.*+
Nesambe’kyo, nkalonga’kyo.
Natunga’kyo, kadi nkekifikidija.+
12 Ntejei banwe ba mityima myūmu,*Banwe badi kulampe na boloke.
13 Nafwenya boloke bwami pabwipi;Kebudipo kulampe,Kadi lupandilo lwami kelukejepo.+
Nkaleta lupandilo mu Ziona, buya bwami bwa dyangi ku Isalela.”+
Kunshi kwa Dyani
^ Ko kunena’mba, bilezaleza bitwikilwe banyema.
^ Nansha’mba “myuya yabo.”
^ Kishima pa kishima i, “kebevukwila’ko.”
^ Kishima pa kishima i, “bibajinji.”
^ Nansha’mba “Kitungo; Madingi.”
^ Nansha’mba “kutunduka.”
^ Nansha’mba “kitungo kyami; madingi ami.”
^ Kishima pa kishima i, “mikomo.”
