Yoba 30:1-31
30 “Pano aba kebansepa+—Banuke batyetye kondi,Ba bashabo bonadi mpelaKutūla pamo na bambwa badi balama luombe lwami.
2 Lelo bukomo bwa maboko abo bwadi na kamweno’ka kondi?
Bukomo bwabo bubaoneka.
3 I bapungile bufudile ne nzala;Basumasuma nshi myūmuYaonakanibwe kala ne kusalwa.
4 Bakongakanya biyombo bya mwepo ku bimuna;Byakudya byabo i miji ya tumityi twa jené.
5 Abapangwa mu bantu;+Bantu kebebabingila na abo babingila ngivi.
6 Bekele mu matēlo a binkolankola,*Mu bīna bya pa nshi ne mu mabwe.
7 Badidila mu bimunaNe kwibungila mu lusungesunge.
8 Bu bana ba bantu bampikwa ñeni ne bampikwa majina,Abapangwa* mu ntanda.
9 Ino pano kebanzawila enka ne mu ñimbo yabo;+Kendi kintu kya kuzobejibwa* kobadi.+
10 I banshikwe kadi basonsoloka kulampe nami;+Kebejengapo kumpēlela mata mu mpala.+
11 Mwanda Leza wantalula byabulwi* kadi wauntūkija panshi,Abaela byonso byadi bibakankaja* mu meso ami.
12 Abaimana ku lundyo lwami pamo bwa kibumbo;KebampangaNe kutūla bijika bya bonakani mu kashinda kami.
13 Bonakanya mashinda amiNe kubipijijija byamalwa byami,+Kwampikwa ne wa kwibakanda mwine.*
14 Bāya na abo bapityila mu kipunzu kya mu lubumbu;Bafika umbukata mwa musala.
15 Luzakalo lubandemenena;Bulēme bwami bubapepulwa pamo bwa kivula,Kadi lupandilo lwami lubajimankana pamo bwa dikumbi.
16 Pano būmi* bwami bwenda bunjimina;+Mafuku a malwa+ abankwata.
17 Byaso bibasabakanya mikupa yami* bufuku;+Misanshi isumana kupwa’yo nansha dimo mpika.+
18 Kivwalwa kyami kibaoneka na bukomo bukatampe;*Pamo bwa nshingo ya kivwalwa kyami, kibantyinye.
19 Leza waungela mu bitoto;Naalamuka kendi bwa luvumbi ne buto.
20 Nakwabija unkwashe, ino abe kunondolola mpika;+Naimana, ino abe untala bitupu.
21 Ubangalamukila bya malwa;+Na bukomo bonso bwa kuboko kobe, ubauntambe.
22 Ubamboya ne kunsela na kivula;Kupwa ubansunkanya mu kimpumpu.*
23 Mwanda ndyukile amba ukantūkijija ku lufu,Ku njibo kukabungakena bantu bonso bōmi.
24 Ino i kutupu ukakupila muntu mutyumuke*+Paabija bamukwashe mu bitatyi byandi bya byamalwa.
25 Lelo ami nkyadidilepo mwanda wa boba baponene mu bitatyi bibi?*
Lelo ami* nkyafītyilwepo mutyima mwanda wa mulanda?+
26 Nansha byonakulupile kumona kiyampe, kubaiya’ko kibi;Natengele kitōkeji, ino kubaiya’ko fukutu.
27 Kusankinta kwa munda mwami kekwalekele’byopo;Mafuku a malwa ami auntene.
28 Kenange mu mfindi;+ mwampikwa mwinya wa dyuba.
Mu kitango, naimana kengabija bankwashe.
29 Naalamuka kendi mwanabo na mizeuNe mulunda na bana ba dikolongo bana-bakaji.+
30 Kikoba kyami kibafīta kekilamuka;+Mikupa yami ibatēma mu kyanga.*
31 Lunsense lwami kelombwa enka pa kudila madilo,Ne kapindo* kami nako ke ka kwila pa kudila.
Kunshi kwa Dyani
^ Nansha’mba “binekaneka.”
^ Kishima pa kishima i, “Abakupilwa.”
^ Kishima pa kishima i, “lukindi; lukōyo.”
^ Kishima pa kishima i, “wazeja muzelo wa buta bwami.”
^ Nansha’mba “Abatalula lukano.”
^ Bibwanika padi i, “Kwampikwa muntu wibakwasha.”
^ Nansha’mba “muya.”
^ Kishima pa kishima i, “Mikupa yami i mitubuketubuke.”
^ Bibwanika padi i, “Bukatampe bwa malwa ami bubañone.”
^ Bibwanika padi i, “ubansungulula na mushindo.”
^ Kishima pa kishima i, “mulwi wa masala.”
^ Nansha’mba “badi na difuku dikomo?”
^ Nansha’mba “Lelo muya wami.”
^ Bibwanika padi i, “kukabwa ngitu.”
^ Nansha’mba “lushiba.”
