Lwá na Milangwe ya Kwimona bu Udi Bunka na Kukwasha Bantu Bakwabo—Le Bible Unena’po Namani?
Ntanda yonso bantu bemonanga bu badi bunka ne amba kebabwanyapo kupwana na bantu bakwabo. Bashayuka mu myanda ya bukomo bwa ngitu bakulupile amba, kukwasha bantu bakwabo o muswelo wa kulwa na uno mwiivwanino.
Bible uleta madingi a kamweno pa byotubwanya kulonga mwanda wa kukwasha bantu bakwabo. Kwingidija ano madingi kubwanya kwitukwasha tulwe na milangwe ya kwimona bu tudi bunka.
Byobwanya kulonga
Ikala na buntu. Kimba’ko mikenga ya kupityija kitatyi pamo na bantu bakwabo, nakampata bya mpala na mpala. Ikala na mutyima wa kupāna byobya byodi nabyo. Polonga namino, nabo bakakufwija’ko, kadi kino kikemulengeja mupwane.
Kwasha bakwenu. Kimba’ko miswelo ya kukwasha’mo bantu bekonda na makambakano. Muno mubwanya kubadilwa kwibateja na kanye nansha kwibalongela bintu kampanda mwanda kwibapēleleja’ko kiselwa.
Shi usaka kuyukila’ko bivule pa mwa kulamina kipwano kiyampe na bantu bakwabo, tanga kishinte “Būmi bwa Kisaka ne Bulunda.”
Tala'po Bidi ne Bino:
KITEBA KYA MULAMI
Mwena mu Kupāna
Kupāna kulengejanga abe ne bakwabo mwiivwane biyampe. Kulengejanga bumo ne bulunda. Le ubwanya kupāna na nsangaji namani?
LE ANO MAVESE A MU BIBLE ASHINTULULA BIKA?
Nkindi 17:17—“Mulunda usanswanga mafuku onso nyeke”
Luno lukindi lushintulula biyampe mwine mwikadilanga mulunda muyampe.
