KESHAI’NKA KUKESHA!
Muntu Umo Utala Myanda ya Bukomo bwa Ngitu Wadyumwine Bantu ku Kyaka Kidi mu Kwingidija Malezo a Mīsambo ku Bankasampe—Le Bible Unena’po Namani?
Mu mafuku 23 Kweji 5, 2023, muntu umo utala myanda ya bukomo bwa ngitu mu États-Unis wadyumwine bantu mu lapolo imo amba, malezo a mīsambo adi na lupusa lubi bininge pa bankasampe bavule.
“Nansha malezo a mīsambo byoadi kyaba kimo a kamweno bininge ku bana ne ku bankasampe, myanda mivule ilombola’mba abwanya ne kona bininge bukomo bwabo bwa ku ngitu ne bwa mu ñeni.”—Social Media and Youth Mental Health: The U.S. Surgeon General’s Advisory, 2 023.
Ino lapolo īsambila pa bwifundi buleta bubinga bwa kuzumbijija mutyima.
Bankasampe ba myaka 12 kutūla ku 15 “bapityija mansá asatu ne kupita ku difuku pa malezo a mīsambo, badi mu kyaka kikatampe kya kubela misongo ya mu ñeni, kubadila’mo ne kutyumukwa mutyima ne kuzumbija mutyima.”
Bankasampe ba myaka 14 “bengidija bininge malezo a mīsambo basusukanga bininge na makambakano a kubulwa tulo, mumweno mubi pa ngitu yabo, mumweno mubi pobadi, kutyumukwa mutyima, ne kufutululwa na bakwabo. Kadi bankasampe bana-bakaji bo bene basusuka bininge na uno mwanda kutabuka bankasampe bana-balume.”
Le bambutwile babwanya kukinga namani babo bana ku bino byaka? Bible uleta madingi a kamweno.
Bibwanya kulonga bambutwile
Mwielei’mo. Banwe bambutwile bandaulai bino byaka ne kukwata butyibi shi wenu mwana ufwaninwe kwingidija malezo a mīsambo nansha kafwaninwepo kwiengidija.
Musoñanya wa mu Bible: “Fundija mwana dishinda dyafwaninwe kwenda’mo.”—Nkindi 22:6, kunshi kwa dyani.
Pa kuyukila’ko bivule, tanga kishinte “Mon enfant devrait-il utiliser les réseaux sociaux ?”
Shi mubaitabija wenu mwana engidije malezo a mīsambo, tai mutyima ku byaka bibwanya kwikala’ko, ne kuta mutyima ku bilonga wenu mwana pa Entelenete. Namani?
Kingai wenu mwana ku bintu bibi. Fundijai wenu mwana mwa kujingulwila bintu bibi ne kwibyepuka.
Musoñanya wa mu Bible: “Busekese ne miswelo yonso ya disubi nansha makomwa-meso kebyakitelwa nansha kutelwa kwine umbukata mwenu, . . . nansha mwikadilo wa bumvu nansha mīsambo ya bulembakane nansha mizaulo ya kiboja.”—Bene Efisesa 5:3, 4.
Pa kuyuka bya kulonga, tanga kishinte “Protégez votre adolescent des dangers des réseaux sociaux.”
Mutūdilei mikalo. Kimfwa, mutūdilei kitatyi kya kutwela ne kya kulonga pa malezo a mīsambo.
Musoñanya wa mu Bible: “Tadijai’nka kutadija bya binebine amba muswelo omunanga . . . [wikale] pamo bwa ba tunangu, mwingidija biyampe shē kitatyi kyenu.”—Bene Efisesa 5:15, 16.
Ingidijai video ya bifwatulo bijina inena’mba Kokapya mu Dikinga dya Malezo a Mīsambo pa Entelenete mwanda wa kukwasha wenu mwana evwanije mwanda waka kwikala na mikalo i kwa kamweno.
Tala'po Bidi ne Bino:
BUSONGI NE KISAKA
Le Wami Mwana Ufwaninwe Kwikala na Telefone Itwela pa Entelenete?
Wiipangule bino bipangujo pa kuyuka shi abe ne obe mwana mwi beteakanye kwiingidija.
BUSONGI NE KISAKA
Mwa Kufundijija Bana Bengidije Telefone na Tunangu
Enka ne bana bayukile bintu bivule mu bya busendwe, basakilwa bambutwile ba kwibafundija mwa kwingidijija telefone itwela pa Entelenete mu muswelo muyampe.
BIPANGUJO BYA BANKASAMPE
Le Kutumba pa Malezo a Mīsambo Kudi na Kamweno?
Bantu bamo batūlanga būmi bwabo mu kyaka mwanda wa bantu basangele byobatūla pa Entelenete ne amba belunge nabo. Le i byendele’mo kutūla būmi mu kyaka mwanda’tu wa kutumba pa Entelenete?
MYANDA ITUTALA
Lomba Kwifunda Bible
Mwisambilei pa bipangujo bya mu Bible, yukila’ko bivule pa Batumoni ba Yehova.
