Mu bula bwa mānga, bengidi ba Leza kebalonge bintu bivule bitulumukwa, ino kenabwinopo bwa abo bene ino ikupityila kubukwashi bwa Yehova. Mu 1954, bulongolodi bwa Yehova bwalupwile filime inena’mba, Bantu ba Ntanda Mipya Bengila. Yalupwilwe dibajinji na ba mu kisaka kya Betele bene kebadipo na bwino mu myanda ya kulonga ma filime. Uno mwingilo mukatampe wabwanikile enka kupityila ku mushipiditu ujila wa Yehova. Bine twaikele na kikulupiji kya amba shi tukulupile mudi Yehova tukabwanya mwingilo o onso otupebwa.​—Zek 4:6.

TALAI VIDEO INENA’MBA, “MWINGILO MUKOMO BININGE WĀVUIJIBWE NA MUSHIPIDITU UJILA,” KUPWA LONDOLOLAI BINO BIPANGUJO:

• Mwanda waka kwakwetwe butyibi bwa kulupula filime isambila pa kité kya ntanda?

• Le ino filime yalombwele namani amba Betele idi pamo bwa umbidi wa muntu?​—1Ko 12:14-20

• Le i bikoleja’ka byekondele na banabetu pa kulupula ino filime, ne bebinekenye namani?

• Le ino myanda mimweke itufundija bika pa mushipiditu ujila wa Yehova?