Makambakano abwanya kwitutyumuna mutyima bukidi bonka, nakampata shi endelela’nka kumeso. Davida wādi uyukile’mba kulwibwa kwaādi ulwibwa na Mulopwe Solo i kwalupito ne amba ukabikala bu mulopwe enka na mwālaile’kyo Yehova. (1Sa 16:13) Lwitabijo lwa Davida lolwāmukweshe akungile Yehova na kitukijetyima.

Potudi mu makambakano, kyaba kimo tubwanya kwikala na bwino, buyuki ne bukomo bubwanya kutyepeja’ko makambakano etu. (1Sa 21:12-14; Nki 1:4) Nansha nankyo kudi makambakano amo oketubwanya’po kupwija nansha shi tubalonga bukomo bwetu bonso ne kwiendeja mungya misoñanya ya mu Bible. Mu uno muswelo, tunenwe kukungila Yehova na kitukijetyima. Panopano ponka masusu onso asa kupwa kitatyi Leza kyasa ‘kupampula impolo yonso’ mu meso etu. (Kus 21:4) Ekale kutūja kwetu kutambe kudi Yehova nansha ku bubinga kampanda, kya kuyuka i kino amba: Makambakano onso i alupito. Kuyuka kino kubwanya kwitusenga.

TALAI VIDEO BANTU BADI MU BUMO MU NTANDA MIKALAÑANE, KUPWA LONDOLOLAI BINO BIPANGUJO:

• Le i makambakano’ka ekondele nao banabetu ba mu Amerika wa kunshi?

• Le i muswelo’ka obalombwele kitukije-tyima ne buswe?

• Le i muswelo’ko obaendelele kuta mutyima ku “bintu bya mvubu mikatampe”?​—Fid 1:10