Yehova usakanga tumwingidile na buswe. (Mat 22:37, 38) Buswe ye bukatonona befundi ba Bible bashinte ne kushala bemanije po batanwa na makambakano. (1Yo 5:3) Kadi buswe bobasenswe Leza ye bukebalengeja bakwate butyibi bwa kubatyijibwa.

Kwasha befundi ba Bible bemwene buswe bwibasenswe Leza. Wibepangule bipangujo pamo bwa bino: “Le kino kikufundija bika padi Yehova?” nansha amba “Le i bika bilombola amba Yehova ukusenswe?” Wibakwashe bamone amba Yehova wibakwashanga mu būmi bwabo. (2Bi 16:9) Wibalombole muswelo walondolwele Yehova milombelo yobe yampikwa budimbidimbi, ne kwibakankamika bajingulule muswelo Yehova walondololanga milombelo yabo. Tusangalanga bininge potumona befundi ba Bible basanswa Yehova ne kuningisha bulunda bwabo nandi.

TALAI VIDEO KWASHA BEFUNDI BA BIBLE BANINGISHE KIPWANO KYABO NA YEHOVA, KUPWA LONDOLOLAI BINO BIPANGUJO:

• Le Jolie watenwe na kikoleja’ka?

• Le Meta wamukweshe namani?

• Le i muswelo’ka wabwenye Jolie kunekenya kino kikoleja?