“Bulopwe Bobe Bwiye”—Milombelo Ilombelwanga na Bantu Midiyo ne Midiyo
Le kashā kodi mulombe Bulopwe bwa Leza bwiye? Mu bula bwa myaka tutwa na tutwa, bantu midiyo ne midiyo balombelanga’mba: “Bulopwe bobe bwiye.” Mwanda waka balombelanga uno muswelo? Mwanda Yesu wālombwele balondi bandi balombe Bulopwe bwa Leza.
Dibajinji, balondi ba Yesu kēbaivwanijepo biyampe byonso byaānenene pa Bulopwe. Difuku dimo, bāmwipangwile amba: “A Mfumwetu, le koaluja bulopwe ku Isalela kino kitatyi?” Padi bātulumukile Yesu pa kuleka kwibatelela kitatyi kine. (Bilongwa 1:6, 7) Le kino kishintulula’mba ketubwanyapo kuyuka Bulopwe bwa Leza i bika ne kitatyi kine kyobukāya? Mhm!
Kino Kiteba kya Mulami kisa kukukwasha ulondolole bino bipangujo:
Mwanda waka tusakilwa Bulopwe bwa Leza?
Le Mulopwe wa Bulopwe bwa Leza i ani?
Le Bulopwe bwa Leza bukaludika ntanda kitatyi’ka?
Le Bulopwe bwa Leza bukalonga bika?
Mwanda waka tufwaninwe kukwatakanya Bulopwe bwa Leza tamba’nka pano?
Le Bulopwe bwa Leza i bika?
Tala'po Bidi ne Bino:
KITEBA KYA MULAMI
Mwanda Waka Tufwaninwe Kulomba Bulopwe bwa Leza Bwiye?
Lelo i bika bikalonga Bulopwe kebibwanyapo kulonga umbikalo wa muntu?
ESSENTIAL BIBLE TEACHINGS
Le Bulopwe bwa Leza I Bika?
Yesu paādi usapula, wāfundije bininge myanda ya Bulopwe bwa Leza kupita’ko myanda mikwabo. Mu tutwa twa myaka, balondi bandi nabo bālombele buno Bulopwe bwiye.
