Kavutakanya Kaleta Lukulupilo

“Myaka ya malwa īkāyangako mu oa mafuku a kumfulo’a.”—2 TEMOTE 3:1.

LELO kodi mwivwane—nansha kwimwena—mwanda umo pa ino ilonda’ko ileta bulanda?

● Mbá ileta lufu ibakubija bantu kebabadika.

● Nzala ifikija bantu tutwa ku lufu.

● Kutenkena kwa nshi kubaipaya tununu twa bantu ne kushiya bavule pampikwa mobo.

Mu mani alonda’ko, ukamona myanda ileta milangwe īsambila pa binkumenkume bwa bino. Kadi ukamona’mba Bible wālaile ino ngikadilo mu kitatyi kitelwa bu “mafuku a kumfulo’a.” *

Inoko, kitungo kya bino bishinte, kekukukulupijapo amba tudi mu ntanda ya tuvutakanya. Padi wimwenanga kala tuno tuvutakanya. Inoko, bidi na kitungo kya kukupa lukulupilo. Bikakulombola’mba kufikidila kwa buno bupolofeto busamba kushintulula’mba panopano “mafuku a kumfulo’a” ke asa kufula. Kadi bino bishinte bikabandaula mulangila’po bantu pa buno bukamoni kadi biketupa bubinga bwa kukulupidila’mba kumeso’ku kudi bilumbuluke bitutengele.

[Kunshi kwa dyani]