Malondololo ku Bipangujo Bimanine pa Bible

Mwanda waka ndoe ya ntanda i mikomo?

Bible uleta bubinga bubidi bukatampe. Bubajinji, nansha bantu byobalongele bintu bya kutendelwa, kebapangilwepo na bukomo bwa kuludika matabula abo. Bwa bubidi, nkuku ya bantu ikankalwanga mwanda “panopantanda ponsololo pēne palēle mudi yewa umbi,” Satana Dyabola. O mwanda bukomo bwa bantu kebubwanyapo kuleta ndoe pa ntanda.​—Tanga Yelemia 10:23; 1 Yoano 5:19.

Kwisakila ne kwabila kwa bantu nabyo i bilengeje ndoe ya ntanda ikome. Kudi buludiki bumo kete bwa ntanda bubwanya kufundija bantu basanswe byoloke ne kwita mutyima umo ne mukwabo bukaleta ndoe ya ntanda.​—Tanga Isaya 32:17; 48:18, 22.

Le i ani ukatūla’ko ndoe pano pa ntanda?

Leza mwine bukomo bonso wālaile kutūla’ko buludiki bumo bukaludika bantu bonso. Bukapingakena pa maludiki a bantu. (Danyele 2:44) Yesu Mwanā Leza, ukaludika bu Mwanā Mulopwe wa Ndoe. Ukatalula’ko bibi pano pa ntanda ponso ne kufundija bantu dishinda dya ndoe.​—Tanga Isaya 9:6, 7; 11:4, 9.

Munshi mwa buludiki bwa Yesu, midiyo ne midiyo ya bantu kujokoloka ntanda yonso bengidijanga kala Bible Kinenwa kya Leza, pa kufundija bantu mwa kwikadila mu ndoe na bakwabo. Panopano ponka ntanda isa kwikala mu ndoe.​—Tanga Isaya 2:3, 4; 54:13.

Shi usaka kuyukila’ko bivule, tala shapita 3 wa dino dibuku, dilupwilwe na Batumoni ba Yehova

[Kifwatulo pa paje 16]

Kudi buludiki bumo kete bwa ntanda bubwanya kushinta bantu bukaleta ndoe ya ntanda

[Kutambile Kifwatulo]

Fatmir Boshnjaku