TABULUKAYI! No 2 2018 | Malu 12 adi endesha mêku bimpe
Malu 12 adi endesha mêku bimpe
Bantu batu batamba kuakula bua tshidi tshienza bua mêku kayikadi bimpe to. Kadi ntshinyi tshidi tshienza bua makuabu wowu ende bimpe?
Kumbukila ku 1990 too ne ku 2015, dishipa dia mabaka mu États-Unis diakavula misangu ibidi bua bantu bavua ne bidimu bipite pa 50 ne misangu isatu bua bavua ne bidimu bipite pa 65.
Baledi mbapange tshia kuenza bualu kudi bamanyi badi bamba bua kutumbisha bana misangu yonso, bakuabu pabu bamba mudibi bikengela kuikala ne dîsu dikole.
Bansonga badi bakola kabayi ne dimanya didibu nadi dijinga bua malu abu ende bimpe.
Kadi tshia kumanya ntshia ne:
Dibaka didi mua kupetesha muntu disanka ne kushala bua kashidi.
Baledi badi mua kufika ku dinyoka bana babu ne dinanga.
Bansonga badi mua kupeta dimanya dikalabu nadi dijinga pakolabu.
Mushindu kayi? Tabulukayi! eu udi uleja malu 12 adi endesha mêku bimpe.
1: Didifila
Mibelu isatu idi mua kuambuluisha bena dibaka bua kushala pamue.
2: Dieleshangana diboko
Muena dibaka nebe udi anu bu muntu unudi nusangila nende nzubu tshianana anyi?
3: Kanemu
Manya mêyi ne bienzedi bidi ne mushinga bua muena dibaka nebe adiumvue munemekibue.
4: Difuilangana luse
Ntshinyi tshidi mua kukuambuluisha bua kulengelula bilema bia muena dibaka nebe?
5: Diyukidilangana
Malu manene asatu adi mua kukuambuluisha bua kusemena kudi muanebe.
6: Kufila dinyoka
Kupesha muana dinyoka kudi kuenza bua adimone kayi ne mushinga anyi?
7: Mikenji ya bikadilu
Mmikenji kayi iudi ne bua kulongesha bana bebe?
8: Ikala tshilejilu
Wewe musue bua mêyi ebe alenge bana, adi ne bua kuikala apetangana ne malu audi wenza.
9: Tshiudi menemene
Mmunyi mudi bansonga mua kuimanyina malu adibu bitabuja?
10: Ikala muntu wa kueyemenyibua
Kuenza bua baledi bebe bikale bakueyemena ntshidia tshinene mu dikola diebe.
11: Ikala muenji wa mudimu
Kumanya mua kuenza mudimu bikole pautshidi muana nekukuambuluishe bua kuikala ne disanka mu malu onso audi wenza.
12: Bipatshila
Kukumbaja bipatshila kudi mua kukupesha dikima, kukolesha bulunda buebe ne bantu bakuabu, ne kukuvudijila disanka.
Malu makuabu adi mua kuambuluisha dîku
Mibelu ya mu Bible idi mua kukuambuluisha bua kuikala mu dibaka dia disanka ne kuikala bimpe mu dîku.
