Sungula muoyo wa tshiendelele

KUMPALA bantu bavule kabavua ne bintu bia bungi nunku bia kusungula to. Tshilejilu, misangu mivule tutu tusungula bilamba bitudi tuvuala, biakudia bitudi tudia, mudimu utudi tuenza ne muaba utudi tusombela. Miaba ya bungi, kutu tshilele tshia muomumue tshia muntu usungula wa kuselangana nende. Kadi Bible udi utuleja bualu budi bantu bonso mua kuenza budi bupite makuabu onso.

Bible udi wamba ne: ‘Udi mushindame mu buakane neapete muoyo, kadi udi ulonda bubi neafue biende.’ (Nsumuinu 11:19) Ne Yezu Kristo wakamba ne: ‘Eu udi muoyo wa tshiendelele, bua buobu bakumanye wewe, Nzambi umuepele mulelela, ne yeye uwakatuma, Yezu Kristo mene.’​—Yone 17:3.

Bulelela, Mufuki wetu mmutupeshe mushindu wa kusungula njila udi mua kutufikisha ku muoyo wa tshiendelele! Kadi ntshinyi tshitudi ne bua kuenza bua kupeta muoyo wa tshiendelele?

Bible udi wamba ne: ‘Mu njila wa buakane mudi muoyo.’ (Nsumuinu 12:28) Tudi mua kuikala munkatshi mua bakane badi mu njila udi ufikisha ku muoyo wa tshiendelele. Mmushindu kayi? Mpatudi tuenza muetu muonso bua nsombelu wetu ikale upetangana ne disua dia Nzambi ne mikenji yende. (Matayo 7:13, 14) Nunku tusungulayi tshidi tshimpe bua tupete dipa dia Nzambi dia muoyo wa tshiendelele.​—Lomo 6:23.