Mu Disatu dia 5 ngondo wa 9 wa 2012 mu dinda bakamanyisha mu Betele wa mu États-Unis ne mu Canada ne: bavua basakidile muntu mupiamupia mu Kasumbu kaludiki ka Bantemu ba Yehowa. Muanetu Mark Sanderson uvua mutuadije kuenza mudimu eu mu dia 1 ngondo wa 9 wa 2012.

Muanetu Sanderson mmukolele mu dîku dia bena Kristo mu musoko wa San Diego mu Californie mu États-Unis, ne uvua mutambule mu dia 9 ngondo 2 wa 1975. Wakatuadija bumpanda-njila mu tshimenga tshia Saskatchewan mu Canada mu dia 1 ngondo wa 9 wa 1983. Mu ngondo wa 12 wa 1990, wakapeta diploma mu Kalasa ka dilongesha mudimu (kadibu babikila lelu ne: Kalasa ka dilongesha malu a mu Bible bua bana betu ba balume bajike) ka muanda mutekete. Bakatuma muanetu Sanderson bu mpanda-njila wa pa buende mu tshidîla tshia Terre-Neuve mu Canada mu ngondo 4 wa 1991. Panyima pa yeye mumane kuenza mudimu bu mutangidi wa tshijengu muambuluishi, bakamubikila bua kuenza mudimu ku Betele wa mu Canada mu ngondo 2 wa 1997. Mu ngondo wa 11 wa 2000, bakamutuma ku Betele wa mu États-Unis muakenzaye mudimu mu Tshibambalu tshia malu a mpitadi ne pashishe mu Tshibambalu tshia mudimu.

Mu ngondo wa 9 wa 2008, muanetu Sanderson wakabuela mu Kalasa ka bena mu komite ya filiale ne pashishe bakamuteka mu komite wa filiale wa mu ditunga dia Philippines. Mu ngondo wa tshitema wa 2010, bakamupingaja mu États-Unis muakenzaye mudimu bu muambuluishi mu Komite wa mudimu wa Kasumbu kaludiki.