DIFILA KU MUDIMU WA BUAMBI | VUDIJA DISANKA DIEBE DIA KUYISHA
Ambuluisha balongi bebe ba Bible bua bikale babuela mu bisangilu
Bisangilu bia tshisumbu bidi ne muaba munene mu ntendelelu mukezuke. (Mis 22:22) Bantu bonso badi badisangisha bua kutendelela Yehowa badi bapeta disanka ne mabenesha. (Mis 65:4) Balongi ba Bible batu babuela mu bisangilu pa tshibidilu batu baya kumpala bikole.
Mmunyi muudi mua kuambuluisha balongi bebe ba Bible bua bikale babuela mu bisangilu? Tungunuka ne kubabikilamu. Baleja filme wa Tshitu tshienzeka ku Nzubu wa Bukalenge ntshinyi? Bumvuija malu mimpe atutu tupeta mu bisangilu. (lff dilongesha dia 10) Udi mua kubambila bualu kampanda buuvua mulonge mu bisangilu anyi kubambila malu anualonga mu bisangilu bidi kumpala. Bapesha mikanda anyi bintu binualongamu. Ubambuluishe mu mushindu mukuabu udi ukengela. Tshilejilu, kubafikisha mu bisangilu. Mulongi webe wa Bible yeye mubuele mu bisangilu bua musangu wa kumpala, mmumue ne: didienzeja diebe adi divua ne mushinga.—1Ko 14:24, 25.
NUTANGILE FILME WA AMBULUISHA BALONGI BEBE BA BIBLE BUA BIKALE BABUELA MU BISANGILU, PASHISHE NUANDAMUNE NKONKO EYI:
-
Neeta uvua mubuelele pa mpunga kayi bua kubikila Jade mu bisangilu?
-
Bua tshinyi tutu tumvua disanka padi mulongi wa Bible ubuela mu bisangilu?
-
“Bulelela, Nzambi udi munkatshi muenu”
Mmunyi muvua Jade mumvue pakabuelaye mu bisangilu bua musangu wende wa kumpala?
