Yehowa ke utu wenza bua ntete ya bulelela yele miji mu muoyo wa muntu. (1Ko 3:6-9) Ke bualu kayi bua tuetu kupatula bipeta bimpe mu buambi, tudi ne bua kueyemena Yehowa bua atuambuluishe tuetu ne balongi betu ba Bible.

Lomba Yehowa ambuluishe balongi bebe bua batantamene ntatu ne malu mabi adibu babasaka bua kuenza ku bukole. (Flp 1:9, 10) Paudi usambila, wambe malu masunguluke. Usambile bua nyuma muimpe alombole meji ebe ne malu audi wenza. (Luk 11:13) Longesha balongi bebe ba Bible mua kusambila; ubasengelele bua batuadije kusambila. Sambila nabu bua bualu buabu, utela ne mêna abu.

NUTANGILE FILME WA ITABA DIAMBULUISHA DIA KUDI YEHOWA, UPETE DISANKA DIA KUVUIJA BANTU BAYIDI: DISAMBILA, PASHISHE NUANDAMUNE NKONKO EYI:

• Ndutatu kayi luvua Neeta mupete mu dilonga diende ne Jade?

• Mmunyi muvua 1 Kolinto 3:6 muambuluishe Neeta?

• Neeta uvua mujikije lutatu luende alu mushindu kayi?