Pavua Yezu uyisha, uvua ubuelela pa malu avua menzeke. (Luk 13:1-5) Wewe pebe udi mua kubuelela pa malu adi menzeke paudi uyisha bua kupetesha bantu dijinga dia kuitaba mukenji wa Bukalenge. Wewe mumane kubatelela malu bu mudi disamisha mutu bua malu a mpetu, tshipupu, ndululu, bupika bua dinua bintu bidi bikuata, anyi bualu bukuabu bua muomumue, ela muntu lukonko ludi lumueleshisha meji. Tshilejilu udi mua kumuebeja ne: “Buebe wewe, . . . nebujike anyi?” anyi ne: “Buebe wewe, tshia kuenza ntshinyi bua kujikija . . . ?” Pashishe, nubale mvese udi upetangana ne bualu abu. Muntu yeye muleje dijinga, koka ntema yende ku filme anyi ku mukanda wa mu Bintu bietu bia kulongesha nabi. Patudi tudienzeja bua kulenga mioyo ya bantu mu teritware wetu, ‘tuenzayiku malu onso bua lumu luimpe.’​—1Ko 9:22, 23.

Mmalu kayi adi mua kukoka ntema ya bantu mu teritware wenu?