Tudi ne disanka dia bungi bua mutudi bapete broshire mupiamupia ne mukanda mupiamupia ya kulombola nayi malonga a Bible! Tudi tulomba Yehowa bua atubeneshe mu bionso bitudi tuenza bua kuvuija kabidi bantu ba bungi bayidi. (Mat 28:18-20; 1Ko 3:6-9) Netuyishe nayi mushindu kayi?

Mudi broshire wa Shala ne muoyo kashidi!, dilonga dia Bible dia nuenda nuyukila, muenza bua kulongeshangana nende ne ndongeshilu mupiamupia, dîba diutshidi udilongolola bua kuya kulongesha Bible ne paukadi umulongesha muntu, londa mêyi manene aa: *

• Bala bikoso ne andamuna nkonko

• Bala mvese yonso udibu bafunde ne: “bala”; wambuluishe mulongi bua umvue dikuatshisha diende

• Muelela filme ne nuakule malu adimu; muela nkonko yonso ikadibu bele mu mukanda

• Dienzeja bua nuye ne dilongesha dionso too ne ku ndekelu musangu wonso unudi nupetangana

Paudi mu mudimu wa buambi, bua kumanya bikala muntu ne dijinga dia kutungunuka ne kulonga, anji mupesha broshire. (Tangila kazubu ka “ Mua kufila broshire wa Shala ne muoyo kashidi! paudi uyisha muntu musangu wa kumpala.”) Nuenu bajikije nende broshire eu, mumone ne: mmusue kutungunuka ne dilonga, dîba adi mupesha mukanda wa Shala ne muoyo kashidi! bua nutuadije dilongesha 04. Kadi bikalabi ne: nukavua nulonga nende mukanda wa Utulongesha anyi wa Nushale mu dinanga dia Nzambi, mubueja mu mukanda wa Shala ne muoyo kashidi!, tshibi ukebe muaba mukumbane unudi ne bua kutuadijila.

NUTANGILE FILME WA TUDI TUKUJINGILA DILONGA DIA BIBLE DILENGA, PASHISHE NUANDAMUNE NKONKO EYI:

• Mmalu kayi alonga balongi ba Bible mu mukanda mupiamupia eu?

• Bua tshinyi mbimpe kuleja balongi ba Bible bapiabapia filme eu?

• Mbipatshila kayi biudi ne bua kuenda kukankamija mulongi wa Bible bua kudifundila ne kukumbaja?​—Tangila kazubu ka “ Ngenyi minene ne bipatshila bia tshitupa tshionso.”