DILONGESHA DIA 76
Yezu udi ukezula ntempelo
Bu mu ngondo muinayi wa tshidimu tshia 30 panyima pa Yezu, Yezu wakaya ku Yelushalema. Bantu ba bungi bavua balue mu tshimenga etshi bua kuenza Pasaka. Bua kuenza Pasaka, bavua bafila kabidi milambu ya nyama ku ntempelo. Kuvua bantu bavua balua ne nyama yabu, kadi bakuabu bavua bayisumbila mu Yelushalema.
Pavua Yezu mufike ku ntempelo, wakamona bantu basumbishilaku nyama. Bualu bua dikema, balumiana abu bavua bendela mushinga ku nzubu wa Yehowa wa kutendelela! Yezu wakenza tshinyi? Wakenza mfimbu wa mionji, kuipataye mikoko ne ngombe ku ntempelo. Wakatonkola mêsa a bashintudi ba makuta, kuitshikijaye makuta abu a binjanja. Yezu wakambila bantu bavua bapana nyunyi ya nkutshi ne: ‘Umbushayi bintu ebi muaba eu! Kanuvuiji nzubu wa Tatu wanyi muaba wa kuendela mushinga to!’
Bantu bavua ku ntempelo bakakema bua tshivua Yezu muenze. Bayidi bende bakavuluka mêyi a buprofete aa avua atangila Masiya: ‘Nengikale ne tshisumi tshia bungi bua nzubu wa Yehowa.’
Pashishe mu tshidimu tshia 33 panyima pa Yezu, Yezu wakakezula ntempelo musangu muibidi. Kavua witaba bua muntu apange kanemu bua nzubu wa Tatuende to.
“Kanuena mua kuikala bapika ba Nzambi ne ba Biuma to.”—Luka 16:13
Mona bikuabu:
YEZU UDI NJILA NE BULELELA NE MUOYO
Yezu udi uleja tshisumi bua ntendelelu mulelela
Mikenji ya Nzambi ivua yanyishila bantu bua kusumba nyama mu Yelushalema bua milambu, kadi bua tshinyi Yezu uvua mufiikile bangenda mushinga munda mu ntempelo?
IKALA MULUNDA WA YEHOWA
Nemeka Nzubu wa Yehowa
Mmushindu kayi uudi mua kuleja ne: udi unemeka nzubu wa Yehowa, muaba utudi tumutendelela?
