Bukulakaja; Bakulakaje

TELEJA MU

Ntshinyi tshidi tshitufikila patudi tukulakaja?

Mis 71:9; 90:10

Bala kabidi tshiena-bualu tshia “Busambi—Padi disama anyi bukulakaja bitupangisha bua kuenza amue malu”

Tshilejilu tshia mu Bible:
- Mbi 12:1-8—Mukalenge Solomo wakaleja mu mêyi a kasala ne: bukulakaja butu bulua ne ntatu, bu mudi mêsu kaatshiyi amona bimpe (“bainabanza badi batangidila pambelu ku madidishi bamona bibuitshibuitshi”) ne matshi kaatshiyi umvua bimpe (“bana ba bakaji bonso bena misambu bapungila bikole”)

Nansha mudi bakulakaje ne ntatu kabayi mua kuenza amue malu, badi mua kulama disanka diabu anyi?

2Ko 4:16-18; Yak 1:2-4

Tshilejilu tshia mu Bible:
- 1Sm 12:2, 23—Muprofete Samuele ukavua mukulakaje uvua mumanye ne: kutungunuka ne kusambila bua bantu ba Yehowa kuvua ne mushinga
- 2Sm 19:31-39—Mukalenge Davidi uvua ne dianyisha bua muvua Bâzilai ukavua mukulakaje mumuambuluishe ne lulamatu luonso. Wakadipuekesha, kuambilaye mukalenge ne: kavua mua kukokesha bua kumuenzela mudimu mu Yelushalema to
- Mis 71:9, 18—Bu muvua Davidi ne buôwa bua ne: katshivua ne mushinga kudi Yehowa bua mukavuaye mukulakaje, wakalomba Yehowa bua kamulekedi to, kadi amupeshe bukole bua kulongesha ba mu tshipungu tshia bantu tshivua tshilua malu ende
- Luk 2:36-38—Yehowa wakabenesha muprofete mukaji Ana ukavua mukulakaje bua muvuaye mumuenzele mudimu ne lulamatu. Uvua mukaji mukamba

Mmunyi mudi Yehowa uleja bakulakaje ne: utu ubatabalela?

Mis 92:12-14; Nsu 16:31; 20:29; Yes 46:4; Tit 2:2-5

Tshilejilu tshia mu Bible:
- Gen 12:1-4—Pavua Abalahama ne bidimu 75, Yehowa wakamupesha mudimu uvua umulomba bua kumbuka kuabu bua kashidi
- Dan 10:11, 19; 12:13—Muanjelu wakambila Danyele ukavua ne bidimu bipite pa 90 ne: uvua muntu wa mushinga mukole kudi Yehowa ne neamufute bua lulamatu luende
- Luk 1:5-13—Yehowa wakenza tshishima tshia kuambuluisha Zekâya ne Elizabeta bakavua bakulakaje bua kulela Yone
- Luk 2:25-35—Yehowa wakapesha Shimeona ukavua mukulakaje diakalenga dia kumona muana uvua ne bua kulua Masiya; pashishe Shimeona wakamba mêyi a buprofete bua muana au
- Bz 7:23, 30-36—Muprofete Mose uvua ne bidimu 80 pavua Yehowa mumuteke bua kulombola bantu bende bena Isalele

Mmunyi mudibu ne bua kuenzela bakulakaje malu?

Lew 19:32; 1Tm 5:1

Tshilejilu tshia mu Bible:
- Gen 45:9-11; 47:12—Jozefe wakabikidisha tatuende Yakoba ukavua mukulakaje, kumutabalelaye too ne ku lufu luende
- Lut 1:14-17; 2:2, 17, 18, 23—Luta wakambuluisha Naomi ukavua mukulakaje mu mêyi ne mu bienzedi
- Yne 19:26, 27—Katupa kakese kumpala kua Yezu kufua wakalomba Yone bua atabalele mamuende ukavua mukulakaje

Mmalu kayi adi bena Kristo mua kuenza bua kuambuluisha bakulakaje mu tshisumbu?

1Tm 5:3-5, 8-10, 16; Yak 2:14-17

Mona bikuabu:

TSHIBUMBA TSHIA NSENTEDI (TSHIA KULONGA)

Kuenzela Yehowa mudimu mu “matuku mabi”

Mmunyi muudi mua kulama ditabuja dikole ne kushala ne tshisumi mu mudimu wa Yehowa? Konkonona nsombelu wa batendeledi ba Nzambi ba kale bavua bamuenzele mudimu ne disanka.

TSHIBUMBA TSHIA NSENTEDI

Mua kukulakaja bimpe

Mibelu isambombo ya mu Bible idi mua kukuambuluisha bua kuibidilangana ne bukulakaja.

TSHIBUMBA TSHIA NSENTEDI (TSHIA KULONGA)

Bâzilai uvua mumanye bivuaye kayi mua kukokesha

YEZU UDI NJILA NE BULELELA NE MUOYO

Muana uvuabu balaye

Padi Jozefe ne Mariya baya ne Yezu muana mutoke ku ntempelo, bakulakaje babidi bena Isalele badi bamba mêyi a buprofete bua malu a Yezu a matuku atshilualua.