Mu Bible mudi meji adi matambe makuabu onso adi mua kukuambuluisha mu nsombelu webe. Wewe umubala pa tshibidilu, welangana meji a malu audi ubala au, ne uatumikila, “malu ebe neende bimpe.” (Yoshua 1:8; Misambu 1:1-3) Neufike kabidi ku dimanya Nzambi ne Muanende Yezu, ne dimanya adi nedikupeteshe lupandu.​—Yone 17:3.

Mmushindu kayi uudi mua kubala mikanda ya mu Bible? Udi mua kudisunguilawu. Programe wa dibala dia Bible eu udi ukuambuluisha bua kubala mikanda ya mu Bible bilondeshile mudiyi ilondangana anyi mudibu bayikose mu bitupa mu bitupa. Tshilejilu, udi mua kusungula bua kubala tshitupa tshia mikanda yakuambuluisha bua kumona mu kabujima muvua Nzambi wenzela bena Isalele malu ku kale. Udi mua kubala bitupa bikuabu bua kumanya mushindu uvua tshisumbu tshia bena Kristo ba mu bidimu lukama bia kumpala tshituadije ne muvuatshi tshitante. Wewe ubala nshapita bungi kampanda budibu bakose bua dituku dionso, neubale Bible mujima mu tshidimu tshimue.

Programe eu neakuambuluishe nansha wewe ukeba ndongamu wa dibala Bible dituku dionso, anyi wa dibala Bible mu tshidimu tshimue, peshi wa dibala dia Bible wa batshidi batuadijilaku. Ambula programe wa dibala dia Bible eu wa pa mabeji, utuadije kubala Bible lelu.