SULA MAR 42
Gima Muma Wacho e Wi Kend kod Weyo Donjo e Kend
Nitie ogendni moko ma paro ni ng’ato ok nyal bedo mamor ka ok okendo kata ka ok okende. Kata kamano, nitie joma nie kend to ok gimor, to bende nitie joma pok odonjo e kend to gimor. Muma wacho ni kend en mich, to weyo donjo e kend bende en mich.
1. Moko kuom ber ma joma pok odonjo e kend yudo gin mage?
Muma wacho niya: “Ng’at ma donjo e kend timo maber, to ng’at ma ok odonjo e kend timo maber moloyo.” (Som 1 Jo-Korintho 7:32, 33, 38.) Ng’at ma ok odonjo e kend nyalo “timo maber moloyo” e yore mage? Jokristo ma nie kend nigi ting’ mar rito joutegi, to Jokristo ma ok nie kend onge gi ting’no. Omiyo, gin gi thuolo momedore. Kuom ranyisi, moko kuom joma pok odonjo e kend nyalo tiyo ne Jehova e okang’ momedore kaka dhi lendo e pinje mamoko. To e wi mago duto, ginyalo tiyo gi thuologi mang’eny e sudo machiegni gi Jehova.
2. Gin ber mage ma joma okendore kaluwore gi chik nyalo yudo?
Joma nie kend bende yudo ber mamoko makende. Muma wacho ni “bedo ji ariyo ber moloyo bedo ng’ato achiel.” (Eklesiastes 4:9) To berno betie mana ka Jokristo mokendore tiyo gi puonj mag Muma e kend margi. Joma okendore kaluwore gi chik singorega ni gibiro herore, miyore luor, kendo dewore. Mano miyo kendgi bedo motegno moloyo mar dichwo gi dhako ma okawore akawa ma ok giluwo chik. Bende, kendruok kaluwore gi chik miyo nyithindo dongo kama nitie kuwe kod arita maber.
3. Ere kaka Jehova neno kend?
Ka ne Jehova oriwo kend mokwongo, nowacho kama: “Dichwo nowe wuon-gi gi min-gi mi nomakre gi chiege.” (Chakruok 2:24) Jehova dwaro ni dhako gi dichwo mokendore osik kanyachiel kuom ndalo duto mag ngimagi. Jehova oyie ne dichwo gi dhako ketho kend margi chuth mana ka ng’at achiel kuomgi oterore. Ka gima kamano otimore, ng’at ma onge ketho nigi ratiro mar yiero ka be obiro ketho kend chuth a kata ooyo. (Mathayo 19:9) Jehova ok oyie ne Jokristo bedo jodoho.—1 Timotheo 3:2.
TIM NONRO
Non ane kaka inyalo bedo mamor kod kaka inyalo moro Jehova bed ni in e kend kata ooyo.
4. Ti maber gi mich ma in-go ka pok idonjo e kend
Yesu ne neno weyo donjo e kend kaka mich. (Mathayo 19:11, 12) Som Mathayo 4:23, kae to uwuo e wi penjo ma luwoni:
-
Ere kaka Yesu notiyo gi mich mar weyo donjo e kend e tiyo ne Wuon-gi kendo konyo jomamoko?
Jokristo ma ok nie kend bende nyalo bedo mamor ka gitiyo gi michno mana kaka Yesu. Tug VIDIO, kae to uwuo e wi penjo ma luwo.
-
Ere kaka Jokristo ma ok nie kend nyalo tiyo maber gi michno?
Be ing’eyo?
Muma ok nyiswa higni ma ng’ato nyaka chop eka odonj e kend. Kata kamano, ojiwo rowere mondo orit nyaka gikal ‘higni ma githiewoe,’ ma en kinde ma gombo mag nindruok nyalo bedo motegno ahinya ma mon-gi timo yiero mowinjore.—1 Jo-Korintho 7:36.
5. Ti gi rieko sama iyiero ng’at mibiro kendorigo
Yiero ng’at mibiro kendorigo en achiel kuom yiero madongo ahinya minyalo timo e ngimani. Som Mathayo 19:4-6, 9, kae to uwuo e wi penjo ma luwoni:
-
Ang’o momiyo Jakristo ok onego orikni donjo e kend?
Muma nyalo konyi ng’eyo kido ma nyalo miyo ng’ato obed dichwo kata dhako maber. Gima duong’ie mogik en ni onego iyier ng’at mohero Jehova. b Som 1 Jo-Korintho 7:39 kod 2 Jo-Korintho 6:14, kae to uwuo e wi penjo ma luwogi:
-
Ang’o momiyo onego wakendre mana gi Jakristo wadwa?
-
Iparo ni Jehova biro winjo nade ka ikendori gi ng’at ma ok ohere?
Ka otue le ariyo mopogore e jok achiel, gibiro hinyore. E yo ma kamano bende, ka Jakristo okendore gi ng’at ma ok nie yie, obiro yudo chandruoge mang’eny
6. Ne kend kaka Jehova nene
E piny Israel machon, nitie chwo moko ma ne kethoga kend margi nikech ne giketoga dwachgi motelo. Som Malaki 2:13, 14, 16, kae to uwuo e wi penjo ma luwoni:
-
Ang’o momiyo Jehova osin gi joma ketho kend chuth e yo ma ok luwre gi Muma?
Terruok kod ketho kend chuth kelo lit mang’eny ne nyithindo kod ng’at ma onge ketho
Tug VIDIO, kae to uwuo e wi penjo ma luwo.
-
Ka po ni jaodi ok en Janeno, en ang’o minyalo timo mondo kend maru odhi maber?
7. Ti gi puonj mag Jehova ma wuoyo e wi kend
Nyalo dwarore ni ng’ato otim kinda ahinya mondo oti gi puonj mag Jehova ma wuoyo e wi kend. c Jehova guedhoga joma timo kamano. Tug VIDIO.
Som Jo-Hibrania 13:4, kae to uwuo e wi penjo ma luwogi:
-
Be iparo ni chike ma Jehova oketo e wi kend owinjore? Ang’o momiyo iwacho kamano?
Jehova dwaro ni joma oriwo kend kata moketho kend margi chuth, otim kamano kaluwore gi chik ma pinjegi oketo. Som Tito 3:1, kae to uwuo e wi penjo ma luwoni:
-
Ka in e kend, be in gadier ni sirkal oyie gi kend maru?
NG’ATO NYALO PENJI NIYA: “Be ochuno ni ji oriw kend? Donge ji nyalo dak adaka?”
-
Inyalo dwoke nade?
PUONJ MADUONG’
Donjo e kend en mich mowuok kuom Jehova; weyo ma ok idonjo e kend bende en mich moa kuome. Joma nie kend kata joma ok nie kend nyalo bedo mamor ka gidak kaluwore gi chike mag Jehova.
Ang’o ma ipuonjori?
-
Ere kaka ng’at ma ok nie kend nyalo tiyo gi michno e yo maber?
-
Ang’o momiyo Muma wacho ni ng’ato onego okendre mana gi Jakristo wadgi?
-
Kaluwore gi Muma, gimoro achiel kende ma nyalo miyo ng’ato oketh kend mare chuth en ang’o?
MED TIMO NONRO
Kendo “mana kuom Ruoth” tiende en ang’o?
“Penjo Moa Kuom Josombwa” (Ohinga mar Jarito, Julai 1, 2004)
Ne ane vidio moko ariyo ma nyalo konyi timo yiero makare e weche mag kisera kod kend.
Ne ane gimomiyo owadwa moro neno ni gik ma Jehova osemiye beyo moloyo gik moko duto ma ne oweyo.
Gin gik mage ma ng’ato onego onon ka pok oketho kend chuth kata pogo dak?
“Chiw Luor ne ‘Gima Nyasaye Oseriwo’” (Ohinga mar Jarito, Desemba, 2018)
a Som Weche Momedore namba 4 ma wuoyo e wi pogo dak sama achiel kuom joma okendore ok oterore.
b E ogendni moko, jonyuol e ma yieronega nyithindgi joma onego gikendrego. Ka en kamano, jonyuol mohero nyithindgi biro manyonegi ng’at mohero Jehova, ma ok giketo motelo wach pesa kod kaka ji neno ng’atno.
c Ka po ni idak gi ng’ato to pok ukendoru kaluwore gi chik, in iwuon e ma ibiro yiero ka be ibiro weye kata kendori kode e yo mowinjore.
Samoro Inyalo Hero Magi Bende
PENJO MA JI JOPENJO
Ere Kaka Joneno mag Jehova Puonjoga Ji Muma?
E puonjruok Muma ma Joneno mag Jehova tayoga, inyalo tiyo gi Muma moro amora mihero. Bed thuolo gwelo joodu duto kata osiepeni e puonjruok.
