Weche Michakogo Kare mar 12
Yesu ne opuonjo ji e wi Pinyruodh Nyasaye. Bende, ne opuonjo ji ni gilam ka gikwayo Nyasaye mondo oket nyinge obed maler, omi Pinyruodhe obi, kendo omi dwaro mare otimre e piny. Ka in janyuol, kony nyathini mondo ong’e maler kaka lamono nyalo konyowa. Yesu ne ok oyie mondo Jachien opoge gi Nyasaye. Yesu ne oyiero jootene, kendo jootego e ma ne obedo joma okwongo-kwongo e grup mar joma biro locho gi Yesu e Pinyruodhe. Bende, tem konyo nyathini one kinda ma Yesu ne nigo e siro lamo madier. Nikech Yesu ne dwaro konyo jomamoko, ne ochango joma tuo, ne omiyo ji chiemo, kendo nochiero ji. Honni ma ne otimogo duto nyiso gik ma Pinyruodhe biro timo ne dhano e okang’ malach.
MA YUDORE KAE
SULA MAR 75
Jachien Otemo Yesu
Jachien ne otemo Yesu didek. Yore adek ma ne otemogo Yesu gin mage? Yesu ne odwoko Jachien e yo mane?
SULA MAR 76
Yesu Noriembo Jo Ohala e Hekalu
Ang’o momiyo Yesu noloso boka mi oriembogo jamni e hekalu? Ang’o momiyo nong’ielo mesni mag jowil pesa?
SULA MAR 77
Yesu Olendo ne Nya-Samaria e Dho Soko
Ang’o momiyo Nya-Samaria-no nohum ahinya ka ne Yesu owuoyo kode e dho soko Jakobo? Ang’o ma Yesu nonyise ma pok nonyisoga ng’ato ang’ata chop kindeno?
SULA MAR 78
Yesu Nopuonjo Ji Wach Pinyruoth
Yesu noluongo moko kuom jopuonjrene mondo gibed joywa ji kata “jolupo mag ji.” Bang’e, notiego jolupne moko 70 mondo giland wach maber.
SULA MAR 79
Yesu ne Otimo Honni Mang’eny
Kamoro amora ma Yesu ne dhiye, joma tuo ne dhi ire, kendo ne ochangogi. Nochiero nyaka nyako moro matin.
SULA MAR 81
Twak ma Yesu Nogolo e Got
Yesu ne opuonjo ji mang’eny ma nochokore e got gik ma ne nyalo konyogi e ngimagi.
SULA MAR 82
Yesu Opuonjo Jopuonjrene Lemo
Gin gik moko kaka mage ma Yesu ne onyiso jopuonjrene mondo gisik ka gikwayo?
SULA MAR 86
Yesu Ochiero Lazaro
Ka ne Yesu oneno ka Maria ywak, en be nochako ywak. Kata kamano, kuyo ma ne gin-go ne olokore mor.
