CHAKRUOK 22:6 wacho ni ka ne Ibrahim ikore mar dhi golo misango kamoro mabor, “nokawo yien mar misango, moyieyogo kuom Isaka wuode; kendo nokawo mach gi pala e luete; kendo gin jariyo ne giwuotho kanyakla.”

Muma ok nyiswa kaka joma chon ne mokoga mach. Jal moro nowacho kama kowuoyo e wi gima notimore ka ne Ibrahim gi Isaka dhi chiwo misango: “Ne en gima tek mondo Ibrahim oting’ mach ma ok nyal tho e wuoth ma raborano.” Omiyo, nenore ni gima Ibrahim noting’o ne en gima nonyalo tiyogo e moko mach.

Kata kamano, jomoko wacho ni moko mach e kinde machon ne ok en gima yot. Ng’eny ji nohero dhi kwanyo mach ka jirani nikech mano ne yot moloyo moko mach manyien. Jotim nonro mathoth wacho ni nyaka bed ni Ibrahim noting’o agulu moro matin ma nokete chuk mach ma samoro ne gimoko gotieno mokalo. (Isa. 30:14) Chuk mach ma niting’o ne inyalo mokgo mach e yo mayot kamoro amora sama ji ne ni e wuoth.