Be kinde duto Jehova ong’eyo gik ma nyalo konyowa? Ee, ong’eyo! Bedo gadier gi wachno biro miyo waluw kaka otayowa to mano biro nyiso ni wan joma riek. (Nge 16:3, 9) Kata kamano, wanyalo romo gi tem mar luwo kaka Jehova tayowa kapo ni gima wadwaro opogore gi kaka Jehova dwaro. Wanyalo medo geno rieko mar Jehova ka waparo matut e wi gik ma nochueyo.​—Nge 30:24, 25; Rum 1:20.

NEURU VIDIO MA WIYE WACHO NI, BE NOSIEKO KENDE KOSO NOCHUEYE? ERE KAKA OCHUNGLO WUOTHO MA OK GITUOMRE? KAE TO UDWOK PENJO MA LUWOGI:

• Gin ang’o ma ochunglo mathoth timoga pile ka pile?

• Ang’o ma ochunglo timoga mondo kik gituomre sama giwuotho?

• Gin ang’o ma dhano nyalo puonjore kuom ochunglo?

NEURU VIDIO MA WIYE WACHO NI, BE NOSIEKO KENDE KOSO NOCHUEYE? YO MA KICH MILUONGO NI BUMBLEBEE FUYOGO, KAE TO UDWOK PENJO MA LUWOGI:

• Gin pek mage ma dhano romogo sama giriembo ndeke matindo?

• Ere kaka kich miluongo ni bumblebee nyalo fuyo ma yamo mager ok odhire koni gi koni?

• Ere kaka rieko ma ochuego kichno nyalo konyo dhano?

Gin chuech mage manie alworau ma nyiso rieko mar Jehova?