Chokruoge mag kanyakla dwarore ahinya e lamo madier. (Za 22:22) Jogo duto ma chokore mondo olam Jehova bedo ma mor kendo giyudo gueth. (Za 65:4) Jopuonjre Muma ma biro e chokruok ma ok gibare timoga dongruok mapiyo.

Ere kaka inyalo konyo japuonjre Muma mondo ochak biro e chokruoge? Kik chunyi ol gi gwele. Nyise vidio mar Ang’o ma Timorega e Kingdom Hall? Nyise ber mobiro yudo kobiro e chokruok. (lff sula mar 10) Inyalo wuoyo kode e wi gima ne ipuonjori e chokruok moro mokalo kata inyalo nyise gik ma ibiro wuoye e chokruok mabiro. Miye gik ma ibiro tigo e chokruok. E wi mano, inyalo konye e weche mamoko. Samoro inyalo konye kaka onyalo chopo e chokruok. Kinda moro amora mitimo biro miyo ibed ma mor ka ineno ka japuonjre obiro e chokruok.​—1Ko 14:24, 25.

NEURU VIDIO MA WIYE WACHO NI, KONY JOMA IPUONJO MUMA MONDO GIBIGA E CHOKRUOK, KAE TO UDWOK PENJO MA LUWOGI:

• En thuolo mane ma Neeta notiyogo mondo ogwel Jade e chokruok?

• Ang’o momiyo wabedoga ma mor sama japuonjre Muma obiro e chokruok?

• Ang’o ma Jade nofwenyo ka ne ohango dhi e chokruok?