Brosua mar Winj Nyasaye ne olos mondo opuonjgo wach Nyasaye ne joma ok ong’eyo somo. Somo ka somo nigi pichni malero puonj madongo kendo nitie alama materi e picha machielo.

Brosua mar Winj Nyasaye Mondo Idag Nyakachieng’ bende nigi pichni machal gi manie brosua mar Winj Nyasaye, mak mana ni en gi weche momedore kendo jopuonjre ma ong’eyo somo matin nyalo tiyo kode. Jolendo ohero tiyo gi brosuani kaka kopi margi sama gipuonjo ka joma gipuonjo to tiyo gi brosua mar Winj Nyasaye. Ng’eny sula manie bugni nigi sanduku ma nigi weche momedore ma jalendo nyalo tiyogo ka luwore gi nyalo mar somo ma japuonjre nigo.

Inyalo chiwo brosua ariyogi sa asaya milendo kata ka ok gin buge milendogo e dwe moro. Sama itayo puonjruok Muma, ti gi pichni mondo ilergo weche manie Muma. Ti gi penjo mondo okonyi ng’eyo ka be japuonjre winjo tiend gik ma ipuonje. Somuru ndiko moket e bwo pej ka pej kendo uwuo e wi ndikogo. Bang’ tieko brosuani, tiuru gi bug Ang’o ma Muma Puonjo kata Gima Muma Puonjo mondo okony japuonjre timo dongruok nyaka ochop e batiso.