Wamor bedo gi brosua kod buk manyien ma wapuonjogo ji Muma! Wakwayo Jehova mondo oguedh kinda ma watimo e konyo ji mathoth mondo obed jopuonjre Yesu. (Mat 28:18-20; 1Ko 3:6-9) Ere kaka onego wati gi brosua kod buk manyienno?

Nikech bug Inyalo Dak gi Mor Nyaka Chieng’!, chenro mar puonjruok Muma, nigi yo manyien mar puonjo, luw weche mondik piny kae sama iiko puonjruok kod sama itayo. *

• Somuru paragraf kae to unon penjo

• Somuru ndiko mondik ni “som”, kendo ikony japuonjre ng’eyo kaka onyalo tiyo gi ndikono e ngimane

• Tug vidio kae to uwuoye ka utiyo gi penjo moket kanyo

• Temuru mondo utiek sula achiel sama upuonjoru

Sama in e tij lendo, kwong imi ng’ato brosua ka ipimogo kabe en ng’at ma biro dhi nyime gi puonjore Muma kata ooyo. (Ne sanduk ma wiye wacho ni “ Kaka Inyalo Chiwo Brosua mar Inyalo Dak gi Mor Nyaka Chieng’! e Limbe Mokwongo.”) Ka utieko puonjoru brosua to japuonjre pod nigi siso mar dhi nyime gi puonjruok, inyalo miye buk kae to uchak sula mar 04. Ka ne usechako puonjoru gi ng’ato bug Gima Muma Puonjo kata Kaka Inyalo Siko e Hera mar Nyasaye, inyalo tere e bug Inyalo Dak gi Mor Nyaka Chieng’! kae to inyalo yiero kama uchakogo.

NEURU VIDIO MA WIYE WACHO NI WARWAKI E PUONJRUOK MUMA, KAE TO UDWOK PENJO MA LUWOGI:

• Gin ang’o ma jopuonjre biro puonjore e buk manyien?

• Ang’o momiyo onego inyis joma ichako puonjorigo Muma vidioni?

• Gin gik mage ma inyalo jiwo japuonjre mos mos mondo otim?—Ne chat ma wiye wacho ni “ Gima Duong’ Miwuoyoe kod Gima Inyalo Timo e Kare Ka Kare.”