Jong’ad Bura 5:1-31
5 Chieng’no Debora+ gi Barak+ wuod Abinoam nower niya:+
2 “Nikech jolwenj Israel ok otweyo* yie wigi,Nikech chiwruok mar oganda,+Pakuru Jehova!
3 Chikuru itu, un ruodhi! Winjuru, un jotelo!
Abiro wer ne Jehova.
Abiro wero wende pak ne Jehova,+ Nyasach Israel.+
4 Jehova, ka ne iwuok Seir,+Ka ne iwuok e piny Jo-Edom,Piny ne oyiengni, pi ne obubni kowuok e polo,Kendo boche ne oolo pi mang’eny.
5 Gode ne oleny* nono e nyim Jehova,+Sinai bende ne oleny e nyim Jehova,+ Nyasach Israel.+
6 E kinde Shamgar+ wuod Anath,Ee, e kinde Jael,+ nderni ne odong’ nono;Jowuoth ne luwo mana yore mopondo.
7 Ji ne onge e gwenge mag Israel;Ne onge ji nyaka chieng’ ma ne an Debora+ achung’,Nyaka chieng’ ma ne awuok mabedo kaka min Jo-Israel.+
8 Ne giyiero nyiseche manyien;+Kendo lweny nobedoe e rangeye.+Ne ok nyal yud okumba, kata tong’,Kuom Jo-Israel 40,000.
9 Chunya oyie gi jotend lweny mag Jo-Israel,+Jotelo ma ne ochiwore dhi e lweny.+A pakuru Jehova!
10 Un joidh farese marochere,Un jo ma bet e lewni mabeyo mopedhi,Kod un jo ma wuotho e nderni,Paruru matut!
11 Dwond joumb pi ne winjore e sokni;Ne gihulo gik mabeyo ma Jehova osetimo,Timbe mabeyo mag joge modak Israel.
Mi oganda Jehova ne odhi e rangeye.
12 A Debora,+ a malo, a malo!
A malo, a malo, ichak wer!+
A malo Barak!+ Tel ne jogi igolgi e tuech, a wuod Abinoam!
13 Jo ma ne odong’ ne obiro ir jotelo;Oganda Jehova ne obiro ira mondo giked gi roteke.
14 Ne giwuok Efraim, ee, jogo manie pap;Giluwi, A Benjamin, in gi jogi.Jotend lweny ne wuok Makir,+To jondik jolweny* ne wuok Zebulun.
15 Jodong Isakar ne nikod Debora,Isakar ne oriwe lwedo kaka Barak+ bende ne otimo.
Ne odhi e pap.+
Jo-Reuben to ne bagni e paro ariyo.
16 Ang’o momiyo ne ubet e kind osike* ariyo,Kuwinjo asili ma gigoyo ne rombe?+
Nimar Jo-Reuben ne bagni e paro ariyo.
17 Jo-Gilead ne odong’ loka Jordan.+To ang’o momiyo Jo-Dan ne osiko mana e meli?+
Jo-Asher to ne budho abudha e dho nam,Kendo ne gisiko e dho wedhegi.+
18 Jo-Zebulun ne ochiwore e lweny ma ok giluoro tho;Jo-Naftali bende+ ne ochiwore e gode.+
19 Ruodhi nobiro, ne gikedoTaanak, machiegni gi pige Megido;+
Ruodhi Kanaan ne okedo+
To ne ok giyako fedha.+
20 Sulwe manie polo bende ne okedo;Ne giwuok kargi mi gikedo gi Sisera.
21 Aora Kishon noywayogi,+Ee, Kishon aora machon.
Ee, mano kaka ne aloyo roteke.
22 Tiend farese ne diko pinyFarese ne ringo matek.+
23 Malaika mar Jehova ne owacho ni, ‘Okuong’ Meroz,’Okuong’ jo ma odak kuno,Nimar ne ok giwuok mondo gikony Jehova,
Ne ok giwuok mondo gikony Jehova gi jo ma roteke.’
24 Jael, en dhako moguedh moloyo mon duto+
Ee, chi Heber+ ma Ja-Keni;En e dhako moguedh moloyo mon duto modak e hembe.
25 Sisera ne okwaye pi, en to ne omiye chak.
Chak mopoto e bakul maber ka bakund ruoth adier.+
26 Nomako loch mar hema gi lwete,Lwete ma korachwich ne omako nyundo.
Ne ogoyo Sisera gi nyundo, mi otoyo wiye,Ne ohobo wiye mi otoyo.+
27 Sisera ne opodho e tiende moling’ thi;Ne opodho e tiende;
Ka ma ne opodhoeno, e ma ne othoe.
28 Miyo moro ne ng’icho e dirisa,Min Sisera ne ng’icho e dirisa,Ka penjo ni, ‘Ang’o momiyo geche mag lweny odeko?
Ang’o momiyo pok awinjo tiende faresene nyaka sani?’+
29 Mon mariek moloyo ne dwoke,Ee, ne onwoyo e chunye dwoko ma ne gimiye,
30 ‘Nyaka bed ni gipogore mwandu ma giseyako,
Jalweny ka jalweny yudo nyako achiel kata nyiri ariyo,Sisera yudo law molok gi rangi, ee, oyudo law molok gi rangi,Law maber, gi law molok gi rangi, ee, lewni ariyo mabeyoMondo joyeko orwak e ng’utgi.’
31 A Jehova, mad itiek wasiki duto,+To jo ma oheri orieny ka wang’ chieng’.”
Kendo piny nobedo gi kuwe kuom higni 40.+
Weche Moler Piny
^ Samoro timo kamano ne nyiso ni ng’ato osingore kata ochiwore ne Nyasaye.
^ Kata nyalo bedo, “ne oyiengni.”
^ Kata nyalo bedo, “jo ma oting’o gige jandiko.”
^ Gin osike kaka miting’o gi punda.
