Isaya 42:1-25
42 Neuru! Jatichna+ ma asiro!
Jal ma ayiero+ kendo ma ayiego!+
Aseketo rohona kuome;+Obiro kelo tim makare ne ogendni.+
2 Ok nokog matek kata ting’o dwonde malo,Ok nomi ji owinj dwonde e nderni.+
3 Ok notur odundu mobarore,Ok nosim otambi ma ok liel maber.+
Obiro ng’ado bura gi adiera.+
4 Ok obi sim kendo ok obi barore nyaka chop okel bura makare e piny;+Chulni rito chik moa kuome.
5 Ma e gima Jehova Nyasaye madier owacho,Jal ma nochueyo polo, kendo Ng’at Maduong’ ma noyarogi,+Jal ma noyaro piny kod gik moko duto monyago,+Jal ma kudho muya ne jo modak e iye,+Ma chiwo roho ne jogo ma wuotho e iye:+
6 “An Jehova, Nyasaye ma timo gik makare, aseluongi;Asemako lweti motegno.
Anariti, anami ibed singruok e kinda kod ogendni,+Kendo kaka ler ne ogendni,+
7 Mondo iyaw wenge muofni,+Igony jo motue manie jela,Kendo igol jo manie jela motimo mudho.+
8 An Jehova. Mano e nyinga;Ok anami ng’ato ang’ata duong’na,Ok anayie sanamu oyud pakna.+
9 Neuru, gik machon osekadho;Koro alandonu gik manyien.
Anyisougi kata ka pok gitimore.”+
10 Weruru ne Jehova wer manyien,+Pakeuru nyaka ka ma piny ogikie,+Un jo ma kwang’ e nam kod gik moko duto mopong’e,Un chulni kod jo modak e iye.+
11 We mondo thim kod taonde man kuno oting’ dwondgi malo,+Kaachiel gi kuonde dak mag Kedar.+
Jo modak e lwanda mondo okog matek;Ee, gikog matek e wi gode.
12 Weuru gimi Jehova duong’Kendo giland pakne e chulni.+
13 Jehova biro wuok oko kaka jalweny ma ratego.+
Enobed gi kinda mana ka jalweny.+
Obiro kok matek, ee, obiro kok mana ka jalweny;Obiro nyisore ni en gi teko moloyo wasike.+
14 “Aseling’ kuom kinde malach.
Asebedo ka akuwe kendo ka atero weche mos.
To koro mana ka dhako ma muoch kayoAbiro ywak mi agam muya dichiel matek.
15 Abiro ketho gode madongo gi matindoKendo anami gik motwi kuondego duto otwo.
Abiro miyo aoche olokre chulniAbiro duono thidhiya* duto.+
16 Anatel ne muofni e yo ma gikia+Anami giwuoth e yore ma ok ging’eyo.+
Analok mudho ma gintiere obed ler,+Analok kuonde motimo kite obed kuonde mopie.+
Mano e gima abiro timonegi, kendo ok abi jwang’ogi.”
17 Jo mogeno gik mopa,Kendo ma nyiso sanamu maggi mag nyinyo ni, “Un e nyisechewa,”Biro yudo wich-kuot maduong’ mi gidog chien.+
18 Winjuru, un jo ma itgi odino,Ranguru un muofni, mondo une.+
19 Be nitie ng’at ma muofu kaka jatichna,Kendo ma radin kaka jaotena?
Be nitie ng’at ma muofu kaka ng’at ma aseguedho,Ng’at ma muofu kaka jatich Jehova?+
20 Ineno gik mang’eny, to ok idewgi.
Iyawo iti, to ok iwinji.+
21 Jehova noneno ni ber mondo chik oyud duong’ kod pakNikech ohero tim makare.
22 Kata kamano, ogandani gin jo moyak ma gigegi ope;+Gisenyumore e obadho, gisepondo e ute tuech.+
Osemakgi mana ka gik mope to gionge jares,+Oseyakgi to onge ng’at ma wachoni: “Duokgiuru!”
23 En ng’ano kuomu ma biro winjo wachni?
Ng’ano ma biro chiko ite mondo owinj e ndalo mabiro?
24 Ng’ano mosechiwo Jakobo e lwet jomecho?Ng’ano mosemiyo oyak Israel?
Donge en mana Jehova, Nyasaye ma ne waketho chikene?
Ne gitamore wuotho e yorene,
Ne gitamore luwo chikene.+
25 Omiyo, ne oolone mirimbe mager,Ich-wang’ne kod lweny mager.+
Mirimbe nowang’o gigene duto koni gi koni, to pod ne ok odewo.+
Majno ne orewe, to pod ne ok odewo.+
Weche Moler Piny
^ Kata, “yewni.”
