Jona 3:1-10
3 Wach Jehova nochako obiro ne Jona kendo niya:+
2 “A malo idhi e dala maduong’ mar Nineve,+ mondo iland ne jo dalano ote ma abiro nyisi.”
3 Omiyo, Jona noa malo modhi Nineve+ mana kaka Jehova nochike.+ Nineve ne en dala maduong’ ahinya,* moromo wuodh ndalo adek.
4 Jona nodonjo e dalano kendo nowuotho wuodh odiechieng’ achiel kolando niya: “Odong’ mana ndalo 40 kende, to iketho Nineve.”
5 Eka Jo-Nineve noyie kuom Nyasaye.+ Ne gigoyo milome mar tueyo chiemo kendo giduto ne girwako lep gunia, chakre ng’at matinie mogik nyaka maduong’ mogik.
6 Ka ne wachno ochopo ne ruodh Nineve, noa malo e kom-lochne, nolonyo lepe mag ruoth morwako lep gunia, kendo nobet piny e buch kendo.
7 Bende, ne ogolo chikni ne Jo-Nineve duto,
“Ruoth kod jodong piny osechiko niya: Dhano moro amora kata le, dhok kata rombe, ok onego ocham gimoro amora. Ok onego gichiem kata modho pi.
8 To ji duto kaachiel gi le duto onego orwak lep gunia; ng’ato ka ng’ato mondo oywag ne Nyasaye gi kinda, kendo owe yorene maricho kod timbege mag gero.
9 Ng’ano mong’eyo kata ka Nyasaye madier nyalo loko pache mi owe mirima mager ma en-go kodwa, mi watony?”
10 Ka ne Nyasaye madier oneno gima ne gisetimo, kendo kaka ne giselokore mi giweyo yoregi maricho,+ noloko pache kendo ne ok okelonegi masira ma ne owacho ni odhi kelonegi.+
Weche Moler Piny
^ Hibrania, “dala maduong’ e wang’ Nyasaye.”
