Ngeche 23:1-35
23 Ka ibet piny mondo ichiem gi ruoth,Non maber gima nie nyimi;
2 Ket pala e dwondi*Ka po ni in ng’at mohero chiemo.
3 Kik igomb chiembe mamit,Nimar en chiemo mar wuondruok.
4 Kik iwe tich bari ndasi ni mondo ibed jamwandu.+
Chung’ kendo inyis ni iriek.*
5 Kichomo wang’i kuomgi, to gilal alala,+Nimar gibiro bedo gi buombegi ka otenga mi gifu e kor polo.+
6 Kik icham chiemb jawuoro;*Kik igomb chiembe mamit,
7 Nimar en ng’at ma siko paro kaka dichule.
Owachoni ni, “chiem kendo imethi,” to kara owuondi awuonda.
8 Ibiro ng’ogo matin ma isechamoMi wecheni mamit lal nono.
9 Kik iwuo e it ng’at mofuwo,+Nimar obiro chayo wecheni mag rieko.+
10 Kik ichor kiewo machon+Kata donjo e puoth nyathi kich.
11 Nimar Jal ma kedonegi nigi teko;Obiro doknegi kiyalou.+
12 Ket chunyi ne puonjKendo chik iti ne weche mag ng’eyo.
13 Kik iwe rieyo nyathi.+
Nimar kichwade gi kede, ok obi tho.
14 Ibiro chwade gi kede,Mondo ires ngimane kik odhi e Liel.*
15 Wuoda ka chunyi obedo mariek,Chunya nobed mamor.+
16 Chunya ma iye nobed mamorKa dhogi wacho gik makare.
17 Kik chunyi gomb gik ma joricho timo,+To luor Jehova odiechieng’ duto,+
18 Eka ngimani nodhi maber+Kendo gima igeno ok nolal nono.
19 Wuoda, chik iti mondo ibed mariek,Kendo ta chunyi e yo makare.
20 Kik ibed e kind jo ma madho divai mang’eny,+Kata e kind jowuoro mohero ring’o,+
21 Nimar jamer kod jawuoro nobed modhier,+Kendo nong’no nomi ng’ato rwak lewni moyiech.
22 Winj wuonu ma nonyuoli,Kendo kik icha minu mana nikech oseti.+
23 Ng’iew adiera kendo kik iuse,+Ng’iew bende rieko, puonj, kod winjo tiend wach.+
24 Wuon ng’at makare nobed mamor gadier;Wuoro ma nigi wuoyi mariek, nomor kode.
25 Wuonu gi minu nobed mamor,Kendo minu ma ne onyuoli noil.
26 Wuoda, miya chunyi,Kendo wang’i obed mamor gi yorena.+
27 Nimar ochot en bur matut,Kendo dhako ma jachode en soko madiny.+
28 Obuto ka jamecho;+Omiyo chwo ma timo andhoga medore.
29 Ng’ano ma nigi masira? Ng’ano ma nigi lit?
Ng’ano ma dhawo pile? Ng’ano ma ng’ur?
Ng’ano ma nigi adhonde manono? Ng’ano ma nigi wang’ mapek?
30 Mana jogo ma budho ka ma nitie divai;+Jogo ma manyo divai mokiki.
31 Kik ing’i rangi makwar mar divaiSa ma orieny ei okombe kendo oridore mayom,
32 Nimar gikone okecho ka thuol,Kendo ogolo sum ka thuol.
33 Wengeni biro neno gik ma yore yore,Kendo chunyi biro wacho weche maricho.+
34 Ibiro chalo ka ng’at ma onindo e chuny nam,Kendo ka ng’at ma nindo e wi siro mar yie.
35 Ibiro wacho niya: “Ne gigoya to ne ok awinjo lit.
Ne gichwada to ne ok ang’eyo.
Abiro chiewo sa adi?+
Adwaro dhi manye kendo.”
Weche Moler Piny
^ Kata, “Dimbri.”
^ Kata nyalo bedo, “We luwo riekoni.”
^ Kata, “chiemb ng’at ma nigi wang’ marach.”
^ Hibrania, “Sheol.” Som Tiend Weche.
