Ngeche 27:1-27
27 Kik isungri kuom gima kiny,Nikech ok ing’eyo gima odiechieng’ biro kelo.+
2 We ng’at machielo opaki, to ok dhogi iwuon;Jomoko nono, to ok lewi iwuon.+
3 Kidi pek, kuoyo bende pek,To chandruok ma ng’at mofuwo okelo, pek moloyo gik moko ariyogo.+
4 Mirima kwiny, ich-wang’ bende chalo gi ohula,To ng’ano ma nyalo chomore tir gi nyiego?+
5 Siem matir ber moloyo hera mopandi.+
6 Adhonde moa kuom osiepni gin madier,+To nyoth mag jasigu ng’eny.*
7 Ng’at moyieng’ e ma tamore mor kich moa e peth kich,*To ng’at modenyo, kata gima kech mitne.
8 Ng’at moweyo odeChalo gi winyo modhi mabor gi ode.
9 Osiep ma rieyi koa e chunyeChalo gi mo kod ubani ma miyo chuny bedo mamor.+
10 Kik ijwang’ osiepni kata osiep wuonu,Kendo kik idhi e od owadu ka iyudo chandruok;Nyawadu man machiegni ber moloyo owadu man mabor.+
11 Wuoda, bed mariek kendo imi chunya mor,+Mondo ayud wach ma dadwokgo ng’at ma jara.+
12 Ng’at mariek neno masira ka biro kendo opondo,+Ng’at ma riekone tin to dhi adhiya kendo ohinyore.
13 Kaw law ng’at mochung’ ne ng’ato nono e gowi;Mak gima nosingoregono ka notimo kamano ne dhako ma wendo.+
14 Ka ng’ato guedho nyawadgi gi dwol maduong’ gokinyi,Ibiro kwan mano ka kuong’.
15 Dhako ma ralep chal gi ot ma chuer ka koth chue.+
16 Ng’at ma nyalo geng’e nyalo geng’o yamoKendo onyalo mako mo gi lwete ma korachwich.
17 Mana kaka nyinyo piago nyinyo,E kaka ng’ato piago osiepne.+
18 Ng’at ma rito yadh ng’owo biro chamo olembene,+To ng’at ma rito ruodhe biro yudo duong’.+
19 Kaka dhano neno kit wang’e e pi,E kaka chuny ng’ato nenore kuom chuny ng’at machielo.
20 Liel kod kar kethruok* ok yieng’ ngang’,+Kata mana wenge dhano bende ok yieng’.
21 Agulu ipwodhoe fedha, mach mager ilenyoe dhahabu,+To ng’ato itemo gi pak moyudo.
22 Kata ka iswago ng’ato mofuwo e panyMana ka cham miyoko,Fupe ok nyal a kuome.
23 Onego ing’e maber kaka kuethni chalo.
Rit rombeni e yo maber,*+
24 Nimar mwandu ok sik nyaka chieng’,+Osimbo bende ok en mar tienge duto.
25 Lum mang’ich lal nono, lum manyien twi,Kendo ichoko lum manie gode.
26 Nyiyimbe biro miyi lewni,To nyuogi biro miyi pesa michulogo puodho.
27 Kendo iniyud cha diel moromi,Mondo ipidhgo joodi, kod jotichni ma nyiri.
Weche Moler Piny
^ Kata nyalo bedo, “opong’ gi wuond; ichuno.”
^ Kata, “e ma nyono mor kich moa e peth kich.”
^ Kata, “Sheol kod Abadon.”
^ Kata, “Ket chunyi kuom rombeni; Ket pachi kuom rombeni.”
