Wer Mamit Moloyo Wende Duto 1:1-17
1 Wend Solomon mamitie moloyo wende duto:+
2 “Bi inyodhae gi nyoth mogundho,
Nimar herani mit moloyo divai.+
3 Mo miwirorigo golo suya mamit.+
Nyingi mit ka mo moyaw dhoge.+
Mano e momiyo nyiri duto oheri.
4 Kawa mondo waring wadhi.
Ruoth oserwaka e utene ma iye!
Wabed mamor kendo wail kodi.
Wago mbaka e wi herani, nimar herani mit moloyo divai.
Mano e momiyo nyiri oheri.
5 Yaye, nyi Jerusalem, adichol to ajaber,Mana ka hembe Kedar,+ kendo ka tandarua+ mag Solomon.
6 Kik ung’iya kubwok nikech adichol,Nimar chieng’ e ma oseloko denda kama.
Owetena ne igi owang’ koda;Omiyo, ne gimiya tij rito puoth mzabibu.Kuom mano, ne ok ayudo thuolo mar loso puotha mar mzabibu.
7 Yaye, jaheranaNyisa ka ma ikwayega jambi,+Nyisa ka ma iterogie yueyo godiechieng’.
Ere tiende bedo kaka dhako moumo wang’e gi law*E kind jamb jokwath weteni?”
8 “A jaber moloyo nyiri duto, ka ok ing’eyo ka ma akwayega,Luw tiend jamniMondo ikwa nyidieu machiegni gi hembe jokwath.”
9 “Jaherana, ichalona faras ma dhako manie dier farese ma ywayo geche Farao.+
10 Lembi obidhore maber,*Tigo bende ondiso ng’uti maber.
11 Wabiro losoni thiwni mag dhahabuMolwor gi fedha.”
12 “Seche ma ruoth obet e mesane molworore,Mo* mang’we ng’ar+ ma awirorago golo suya mamit.
13 Jaherana chalona ofuko moting’o manemane ma golo suya mamit+Sa ma onindo e kind thundena gotieno.
14 Jaherana chalona gi maupe mag henna+Modongo e puothe mzabibu man En-gedi.”+
15 “Mano kaka ijaber jaherana!
A, ijaber miwuoro. Wengeni chalo gi wenge akuru.”+
16 “Mano kaka in bende ijaber jaherana! Ilombo wang’ ma tamre gi nono.+
Otandawa en lum mayom.
17 Tat odwa olos gi yiend sida,Kendo yiende mag junipa e ma osirego.
Weche Moler Piny
^ Kata, “nanga ma ng’ato umogo wang’e sama oywago ng’ato.”
^ Kata nyalo bedo, “Lembi ber obidhore gi yie wiyi mokadi.”
^ En kit mo moro ma nengone tek.
