Zaburi 137:1-9
137 Ne wabet piny e bath aoche mag Babulon,+
Kendo ne waywak ka waparo Sayun.+
2 Ne wang’awo nyatiti magwa+E wi yiende* mag Babulon.
3 Ka wan kanyo, jo ma nomakowa nonyisowa ni wawernegi,+Jo ma ne jarowa ne dwaro ni wagonegi thum. Ne giwachonwa niya:
“Wernwauru achiel kuom wende mag Sayun.”
4 Ere kaka dwawer wende JehovaE piny ma wendo?
5 Yaye Jerusalem, ka di po ni wiya owil kodi,To wiya onego owil bende gi tich lweta ma korachwich.*+
6 Yaye Jerusalem, mad lewa mok e dandaKa po ni ok apari,Kendo ka ok amiyi duong’.
Nimar in e mimiya mor ahinya.+
7 A Jehova, parie gima Jo-Edom nowachoChieng’ ma Jerusalem nopodho. Ne giwacho niya:
“Mukeuru! Mukeuru mondo ogore piny kaachiel gi mise mage duto!”+
8 Kethruokni chiegni, yaye nyar Babulon.+Ng’at mamor en ng’at ma biro chuliKuom gik maricho misetimonwa.+
9 Ng’at mamor en ng’at ma biro mako nyithindi,Kendo goyogi e lwendni.+
Weche Moler Piny
^ Yiende miluongo ni arabim.
^ Kata nyalo bedo, “To lweta ma korachwich onego otal.”
