Zaburi 18:1-50
Ne jatend wer. Wer ma Daudi jatich Jehova nowero ne Jehova e odiechieng’ ma Jehova norese e lwet wasike duto kod e lwet Saulo. Nowacho kama:+
18 A Jehova, aheri ahinya. In e tekona.+
2 Jehova e lwandana, en e kar geng’ruokna, kendo en e Jal ma resa.+
Nyasacha e lwandana+ ma abwokie,En e okumbana, kendo tung’na mar resruok, kod kar geng’ruokna.+
3 Analuong Jehova, Nyasaye mowinjore opaki,Kendo ibiro resa e lwet wasika.+
4 Tonde mag tho norida matek;+Jo ma timbegi richo nobwoga ka ohula maduong’.+
5 Tonde mag Liel* norida matek;Obadho mag tho nochoma tir.+
6 Ka ne anie chandruok, ne aluongo Jehova,Ne asiko ka aywak ne Nyasacha mondo okonya.
Ne owinjo dwonda ka en e hekalune,+Kendo ywakna ne ochopo e ite.+
7 Kae to piny nochako tetni kendo yiengni;+Mise mag gode bende notetniNe giyiengni koni gi koni nikech mirimb Nyasaye.+
8 Yiro nowuok e ume,Kendo mach ma kakni nowuok e dhoge;+Maka maliel nowuok kuome.
9 Nodolo polo kolor,+Mudho mandiwa ne nie bwo tiendene.+
10 Ne oidho kerubi, mobiro kofuyogo.+
Ne ofuyo matek e buomb malaika.+
11 Kae to ne oimore e mudho.+Boche polo ma rotenge ma pi opong’oNe oume mana ka hema.+
12 Pe gi mirni mag mach nogolo ler e nyime,Ne gimwomo boche polo mapekgo.
13 Eka Jehova nochako mor gie polo;+Dwond Jal Mamalo Chutho nowinjore+Kaachiel gi pe gi chukni mag mach.
14 Ne obayo asernige mi okeyogi;+Nomiyo polo omil mi giringo koni gi koni.+
15 Bwo aoche nonenore;+A Jehova, ka nisiemo mise mag piny, ne ginyenyore,Nikech teko mar muya ma noa e umi.+
16 Norieyo bade ka en malo;Nomaka mogola e pige matut.+
17 Noresa e lwet jasigu ma ratego,+Kuom ji duto mosin koda kendo moloya gi teko.+
18 Ne gimonja ka ne masira oyuda,+To Jehova e ma ne osira.
19 Ne ogola e chandruok moketa ka mokuwe;*Ne oresa nikech ne omor koda.+
20 Jehova guedha nikech timna makare;+Ochula moromore gi tichna maler.+
21 Nimar aseluwo yore mag Jehova,Kendo pok aweyo Nyasacha mondo atim richo.
22 Chikene duto nie nyima;Ok abi chayo buchene.
23 Anasik ka aonge ketho e nyime,+Kendo anasik ka aritora mondo kik atim richo.+
24 Jehova mondo ochula kaluwore gi timna makare,+Kendo nikech lwetena onge ketho e nyime.+
25 Imakori gi ng’at momakore kodi;+Kendo ibedo malong’o ne ng’at malong’o.+
26 Ne jo maler, inyisori ni iler,+To ne jo ma timbegi obam inyisori ni iriek moloyogi.+
27 Nimar ireso jo ma sandore+To iduoko jo ma wigi tek piny.+
28 In e ma imoko tacha, A Jehova,Nyasacha ma menyona yo e mudho.+
29 Ikonya loyo jo momonja;+Kuom teko Nyasacha anyalo kalo ohinga.+
30 Yor Nyasaye madier en yo makare chuth,+Wach Jehova liw.+
En okumba ne ji duto ma geno kuome.+
31 Ere Nyasaye moro mak mana Jehova?+
Kendo ere lwanda moro mak mana Nyasachwa?+
32 Nyasaye madier e ma miya teko,+Kendo enomi yora obed makare chuth.+
33 Omiyo tiendena bedo mayot ka tiende mwanda;Omiyo achung’ kuonde moting’ore malo.+
34 Otiego lwetena ne lweny;Bedena nyalo dolo atung’ molos gi mula.
35 Imiya okumbani mar warruok,+Lweti ma korachwich e ma sira,Kendo bolruokni miya duong’.+
36 Iyarona yo malach mondo awuothie;Tiendena ok bi kier.+
37 Analaw wasika mi ajukgi;Ok abi duogo nyaka tiekgi chuth.
38 Abiro nyonogi ma ok ginyal chung’ kendo;+Gibiro podho e tiendena.
39 Ibiro miya teko mar kedo e lweny;Ibiro miyo wasika opodh piny e tiendena.+
40 Ibiro miyo wasika olokna ng’egi,Kendo abiro tieko jo ma osin koda.+
41 Giywak mondo okonygi, to onge ng’at ma diresgi;Bende, giywak ne Jehova to ok odwokgi.
42 Abiro regogi mayom mana ka buru ma yamo tero;Abiro witogi mana ka chuodho manie ndara.
43 Iniresa e lwet jo ma dwaro dondore koda.+
Iniketa abed jatend ogendni.+
Jo ma ne ok ang’eyo biro tiyona.+
44 Ka giwinjo mana humba kende, giniluw chikna;Jo ma oa e pinje mamoko nobi ira mi ginikulrena.+
45 Luoro biro mako jo ma oa e pinje mamoko;Giniwuog kuonde ma gipondoe ka gitetni.
46 Jehova en Nyasaye mangima! Pakuru Lwandana!+
Odend Nyasach resruokna.+
47 Nyasaye madier chulona kuor;+Oketo ji e bwoya.
48 Oresa e lwet wasika mager;Iting’a malo e wi jo ma monja;+Iresa e lwet ng’at mager.
49 Mano e momiyo anapaki e kind ogendni, A Jehova,+Kendo anapak nyingi gi wer.+
50 Omiyo ruoth moketo yudo resruok maduong’;+Onyiso ng’ate mowir hera mosiko,+Daudi gi kothe nyaka chieng’.+
