Zaburi 21:1-13
Ne jatend wer. Wend Daudi.
21 A Jehova, ruoth mor ahinya nikech teko mimiye;+To mano kaka omor nikech ireso ji!+
2 Isemiye gik ma chunye gombo,+Kendo pok idagi timone kaka okwayo. (Sela)
3 Irwake gi gueth mang’eny;Isidhone osimbo mar dhahabu maler e wiye.+
4 Ne okwayo mondo imiye ngima, mi ne imiye,+Ne imiye ndalo mang’eny, ee ma nyaka chieng’.
5 Resruokni miyo oyudo duong’ ahinya.+
Imiye luor gi duong’.
6 Iguedhe gi gueth mochwere;+Imiyo obedo mamor nikech in kode.+
7 Ruoth ok bi yiengni ngang’, nikech hera mosiko moa kuom Jal Mamalo Chutho,+Kendo nikech ruoth ogeno Jehova.+
8 Lweti biro mako wasiki duto;Lweti ma korachwich biro mako ji duto mosin kodi.
9 Inikethgi gi mach mager e kinde miseketo.
Jehova biro mwonyogi gi mirimbe mager, kendo mach biro tiekogi pep.+
10 Initiek nyikwagi e piny,Kendo kothgi norum e kind ji.
11 Nikech ne gichano timoni gik maricho;+Gik ma ne gichanogo ok bi dhi maber.+
12 Iniywa tond atung’ e wang’gi,+Kendo inimi giring ng’wech.
13 A Jehova, a malo mondo inyis tekoni maduong’,Wanawerni kwapako tekoni.
