Zaburi 52:1-9
Ne jatend wer. Maskil.* Zaburi ma Daudi nowero ka ne Doeg Ja-Edom odhi ir Saulo monyise ni Daudi ne odhi e od Ahimelek.+
52 Ang’o momiyo isungori nikech timbeni maricho, yaye in ng’at ma ratego?+
Hera mar Nyasaye osiko nyaka chieng’.+
2 Lewi bith ka wembe,+Ochano timo gik maricho mondo ohinygo ji.+
3 Ihero richo moloyo ber,Miriambo mitni moloyo wacho adiera. (Sela)
4 A, in lep mohero miriambo,Ihero chwanyo ji!
5 Mano e momiyo Nyasaye biro tieki chuth;+Obiro maki mogoli e hemani,+Obiro pudhi oko e piny jo mangima.+ (Sela)
6 Jo makare biro neno mano mi gibed maluor,+Kendo gibiro nyiere ka giwacho niya:+
7 “Neuru ng’at ma ne ok oketo Nyasaye kar bwokne,+To nogeno mana mwandune mathoth,+Kod gik maricho ma nochano.”
8 An to abiro chalo gi yiend zeituni ma dongo maber e od Nyasaye;Ageno kuom hera mosiko+ mar Nyasaye nyaka chieng’.
9 Abiro paki nyaka chieng’ kuom gima isetimo;+Abiro nyiso ni nyingi e ma ageno+ nikech ober,Anatim kamano e nyim jogi.
Weche Moler Piny
^ Som Tiend Weche.
