Zaburi 61:1-8
-
Nyasaye en ohinga mabor ma geng’onwa wasigu
-
“Abiro bedo wendo e hembi” (4)
-
Ne jatend wer. Wendni onego ower gi gige thum ma nigi tonde migwelo. Zaburi mar Daudi.
61 Yaye Nyasaye, winj ywakna.
Chik iti ne lamona.+
2 Aluongi gie tung’ pinyKa chunya chandore.+
Telna nyaka e wi lwanda mohinga gi bor.+
3 Nikech in e kar bwokna,Kendo in e ohinga motegno ma apondoe ne jasigu.+
4 Abiro bedo wendo e hembi nyaka chieng’;+Abiro bwok e tipo mar buombeni.+ (Sela)
5 Nikech isewinjo singruokna.
Isemiya pok mikano ne jogo moluoro nyingi.+
6 Inimed ne ruoth ndalo,+Enodag e tienge mang’eny.
7 Enobed e kom-loch e nyim Nyasaye nyaka chieng’.+Rite gi herani mosiko kod adierani.+
8 Eka anasik ka apako nyingi gi wer,+Kendo abiro chopo singruokna odiechieng’ kodiechieng’.+
