Zaburi 75:1-10
-
Nyasaye ng’ado bura makare
-
Joricho nomadh okombe mar Jehova (8)
-
Ne jatend wer. Onego owere gi dwol mar “Kik Ikel Kethruok.” Zaburi mar Asaf.+ Wer.
75 Wagoyoni erokamano, A Nyasaye, wagoyoni erokamano,Nimar in machiegni kodwa,*+Kendo ji lando tijeni miwuoro.
2 Iwacho niya: “Ka aseketo kinde mowinjore mar ng’ado bura,Ang’ado bura makare.
3 Ka ne piny kaachiel gi gik moko duto me iye oyiengni,*An e ma namako sirnige.” (Sela)
4 Akwero jo ma sungore niya: “Weuru sungoru.”
Bende, akwero joricho niya: “Kik ung’awru nikech tekou.*
5 Kik ung’awru nikech tekou*Kendo kik uwuo gi tok teko.
6 Nimar duong’ ok biKoa yo wuok chieng’, kata yo podho chieng’, kata yo milambo.
7 Nyasaye e Jang’ad Bura.+
Odwoko ng’at achiel piny to oting’o machielo malo.+
8 Nimar Jehova oting’o okombe e lwete+Mopong’ gi divai mochiek kendo moruw gi gik makech.
Obiro ole oko,To joricho duto manie piny biro madhe duto.”+
9 An to abiro lando wachni nyaka chieng’;Kendo abiro pako Nyasach Jakobo gi wende.
10 Nimar owacho niya: “Anatiek teko* joricho duto,To jo makare anamedgi teko.”*
Weche Moler Piny
^ Kata, “Nyingi ni machiegni kodwa.”
^ Kata, “oleny.”
^ Hibrania, “Kik uting’ tungeu malo.”
^ Hibrania, “Kik uting’ tungeu malo.”
^ Hibrania, “tunge.”
^ Hibrania, “tunge.”
